"" Solo Day ""
..." يومي أنا "...
(( البارت الثاني والأخير ))
بقلم الكاتبة :
Salma hassan
بورام:متقولش لحد انت شغال ايه و لا منين فى سيول او ظروفك ايه و تعيش كانك فرد معاهم و انا هعرفك على كل واحد فيهم ,, اتفقنا,,,
شيون:اتفقنا ,,,,,,,,,,,,,,,,,,
سيون:اتفقنا,,,
بورام:تمام تعال اعرفك على اهل القريه,,
مشى وراها خطوه بخطوه و هو بيسمع حكايتها عن كل بيت فى القريه ,,الاول كان مستغرب هى ليه يتحكيله الحاجات دى,,بس فضوله للقصص اللى كان بيسمعها منها و ازاى الناس دى عايشه و ليه عايشين كده و محدش دارى بيهم مخلهوش يسالها انتى بتقوليلى كل ده ليه,,,,,,,
بورام(اشارت على القصر اللى فى اخر القريه):ده اخر بيت فى القريه و من النقطه اللى احنا واقفين فيها دى هى البدايه ,,بص وراك,,لفت هى و هو فى نفس اللحظه,,ده رصيف المينا اللى الناس هنا عايشين عليه ,,اشارت لنهايه الرصيف وقف عليه الصيادين و مراكبهم,,دول بقى كل رجاله القريه هنا و كلهم بيمارسوا نفس المهنه ماعدا كذا واحد يتعد على الصوابع مارسو مهنه تانيه زى االلى اشتغل فى محل او كهربائى المهن اللى بنحتاجها لحياتنا عشان ده يساعد التانى و الناس هنا تكمل بعض و محدش يحتاج لمساعده من اللى برا عالمهم,,,,,
شيون (بصلها باستغراب):ممكن سؤال,,
بورام :عارفه سؤالك,,مع انى كنت متوقعه تساله بدرى عن كده,,ليه الناس دى عايشه هنا كده ,,,
شيون(حط ايده حول وسطه):اه يا ريت تفهمينى و ليه مقلش للناس انا بشتغل ايه,,
بورام :هجاوبك على سؤال واحد بس لمصلحتك,,انت شغال فى ايه,,
شيون:شركه بيع طعم السمك,,
بورام:و الناس هنا عايشه على ايه,,صيد اسمك و بيعها,,
شيون:طب و انا ايه دخلى بقى,,
بورام:بص يا شيون ,,لم حصلت نكسه فى البلد كل الشركات زودت السلع اللى بتبيعها و بالتالى الناس اللى هنا اللى هما اساسا حالهم زى ما انت شايف على قدهم مقدروش يشتروا الطعم اللى هيصطادوا بيه السمك ..و طبعا شركه حضرتك تبع الشركات اللى رفعت السعر بشكل غير معقول و استغلت الموضوع ده و ثبتت السعر بعدها و نسيت حاجه الناس الفقرا و ووضعهم و كل اللى اهتمت بيه اللى يدفع اكتر ,,,,فالناس هنا اعتمدت على طعم تانى اخترعه طالب مع (ايونجى) من بقايا السمك و بكده قدروا يصطادوا تانى و لكن للاسف الحكومه رفضت انهم يبيعوا السمك بتاعهم فى اى سوق لانهم اصطدوه بطعم (ضحكت) ملوث ومش مضمون اساسه ,,,,فانت لو حضرتك قلتلهم بفخر انت صاحب شركه ايه مش بعيد يقطعوك و يستخدموك طعم للسمك و ساعتها مش هيكون ملوث (ضحكت),,,,,,
شيون(بلع ريقه):اللى انتى قلتيه ده بجد,,,انا معرفش اى حاجه عن الموضوع ده,,
بورام:عارفه,,
شيون(بصلها باستغراب):ازاى؟؟
بورام:مش وقته ,هتعرف لوحدك,,ودلوقتى تعال اعرفك على الاجاشى اللى هتسكن عنده,,
بعد ما وصلوا المكان كان بيت كورى قديم ,,البوابه كانت من خشب و مكنتش مقفوله كويس ,,فتحوها و دخلوا,,
شيون(بص حواليه يتفرج على المكان بعد كده رجعلها و بصلها باستحقار):اوه ماى جاد ,,
بورام(ضحكت):اعدل لسانك احنا مش فى امريكا هنا و بعدين ده انضف من الفنادق الملوثه بفلوس حرام,,
شيون(بصلها من فوق لتحت):انتى شيوعيه,,
بورام(ضحكت):تقدر تقول كده,,تعالى بقى نروح للاجاشى عشان اعرفك عليه,,
بورام(فضلت تنادى عليه لكن ملقتش اى رد غير بعد دقايق من صوت جاى من بعيد):سوهو ده انت؟؟
خرج ولد بلبس مدرسه من ورا البوابه ,,انحنى ليهم بكل ادب و ابتسامته مفرقتش وشه من اول ما شفهم ,,جرى بسرعه قلع الجزمه و عزم عليهم بالدخول ,,
سوهو:اتفضلوا ميصحش تفضلوا واقفين كده برا,,نونا قولى لضيفك حاجه,,
بورام:كلك زوق يا سوهو دايما ,,يلا يا شيون و لا هتفضل واقف كده برا اكيد انت مش عايز تكسفه صح,,غمزتله,,
شيون(فهمه على انه تهديد):اه اه طبعا ما انا كنت داخل اصلا بس قلت اشم شويه هوا اصل الريحه ,,اخد نفس عميق و بعد كده كح جامده,,فظيعه,,ايه القرف ده,,بصله بذعر,اسف,,
سوهو(ضحك):ولا يهمك شكلك مش من هنا قلت كده من اول ما شفت جزمتك,,دى ريحه تخمير الكيمتشى بيبقى طعمه تحفه ,, اتفضل مش هنكمل كلامنا على الواقف كده,,
دخل شيون البيت بعد ما قلع جزمته ,,قدمله سوهو الشاى ,,قعدوا يتكلموا شويه مع بعض و عرف ان سوهو حفيد صاحب البيت و زميل ايونجى اللى اخترع الطعم ,,
سوهو:نونا دى اول مره اشوف حد تعرفيه غيرنا ,,هو يقرب لك,,
بورام:تقدر تقول فى علاقه شغل بينا,,هو جدك هيرجع امتى؟؟
سوهو:النهارده الجو كويس و ينفع للصيد فممكن يرجع بليل,,
بورام:اصل كنت متفقه مع اجاشى ان شيون يقعد معاكو فى الاوضه الفاضيه لحد ما يرجع انت عارف انا قعده لوحدى ,,
شيون:و فيها ايه لم نقعد مع بعض ,ضحك بخبث,,
سوهو:لا طبعا اهل القريه مش هيسمحوا بكده,,
شيون:خلاص اللى تشوفوه,,
بورام:سوهو خد شيون و ,,قربت من ودنه و همستله,,اتفقنا,,
سوهو(ابتسم):تمام,,اتفضل معايا,,
دخل شيون الاوضه اللى هيقعد فيها,,خبط سوهو و اخد منه هدومه عشان يغسلها و اداله هدوم تانيه عاديه بدلها,,بعد ما غير هدومه بص على نفسه فى المرايه و قعد يضحك مش مصدق انه كان ممكن فى يوم يلبس اللبس ده اللى كان بيشوفوه بس فى المسلسلات الكورى القديمه جدا,,,
خرج من الاوضه و هو مكسوف من نفسه و متردد,,اول ما بورام شافته قعدت تضحك عليه لحد ما وقعت على الارض و قعدت تكح جامد جدا,,
شيون كان متضايق من ضحكها عليه و تجاهلها بس لما لقاها بتكح جامد زى كانها مش قادر تاخد نفسها جرى عليها,,
شيون:انتى كويسه,,
بورام(اتنفست بصعوبه و بعدت ايده عنها):اه ,,
شيون(بصلها باستغراب):انا غلطان انى خفت عليكى,,
بورام(لفت نفسها و كانت هتمشى):متخافش,,تعال ورايا,,
شيون(بصها بقرف):همس,يا ريتنى سيبتك,, استنى انا جعان,,
بورام:ما احنا رايحين ناكل,,
شيون(ضحك اول ما سمع اكل):ايوه كده ,,هناكل ايه يا ريت لحمه,,,
بورام:تعالى و انت تشوف,,
بعد ما وصلوا للمكان,,
شيون(بص بملل):رجعنا للمينا تانى ليه,,
بورام:مش عايز تاكل يبقى تشتغل و تكسب الفلوس اللى هتاكل بيها و لا انت فاكر انك عشان ضيف هتبقى عاله على الناس هنا,,
شيون(اتنرفز من طريقتها):اسمعينى كويس عشان انا جبت اخرى,,اولا انا عمرى ما كنت عاله على حد طول عمرى بشتغل و بكسب من مجهودى الخاص ,عمرى ما استلفت و لا كان ليا دين عند حد,,انا يمكن غنى بس راجل جدا و مقبلش انى اكل من مجهود ناس على قدها او من فلوس بنت حتى لو كنت بحبها,,
بورام(بصتله جامد و كانها بتشوف شخص تانى و ابتسمتله برضا):كنت عارفه انى اخترت صح,,
شيون(بصلها بغرور):احمم طبعا,,دلوقتى هشتغل ايه,,
بورام(شاورتله بعيد):شايف الاجاشى اللى هناك على المركب الابيض ,,ده هو جد سوهو هتروح تشتغل معاه على المركب النهارده فى صيد السمك ,,
شيون:هاه سهله ,,يلا بينا,,
مشى قدامها و كله حماس و قوه,,بصلته و ضحكت على تصرفه اللى اتغير 180 درجه,,بعد ما قربوا من المركب ,,شيون حس بالخوف لم لقاها قديمه و بتتهز,,
شيون(انحنى):انا شيون,,
الاجاشى كيم:هو ده,,
بورام:اه,
الاجاشى:يلا اطلع بسرعه,,
شيون(بخوف):انت متاكد انها سليمه ,,
الاجاشى:طبعا دى مركبه عمرها 100 سنه,,
شيون(بلع ريقه):طمنتنى,,
بورام(ضربته على ضهره):ايه يا وحش فين الحماس يلا ورينى,,
شيون(اتظاهر بالامبالاه):هتشوفى,,همس,,الحقونى,,
طلع المركب مع الاجاشى و بورام لوحت له بالوداع و هى بتضحك عليه زى الاطفال هيموت من الرعب ,,
دخلوا نص البحر و المركب بدات تتهز بقوه,,الاجاشى لف راسه و لقى شيون ماسك فى المركب كانه بقى جزء منها,,
الاجاشى(بيضحك):دى اول مره ليك هنا,,
شيون(مقدرش يمسك نفسه و بدل ما يرد رمى راسه برا المركب و رجع):اسف,,
الاجاشى:ايقووو غير بورام خالص,,
شيون:ليه يعنى,,
الاجاشى(شاورله):بص هناك,,
شيون(بص الناحيه التانيه لقاها واقفه على مركب و بتصطاد مع الرجاله):مجنونه,,
اجاشى:لا جدعه..لولاها كانت القريه هتفلس تقريبا,,عشان كده انا بحمد ربنا انها معانا,,
شيون(حس انه عايز يعرفها اكتر):هى غاليه بالنسبه ليكم اوى كده,,
الاجاشى(رفع الشباك المليانه بالسمك):تعال ساعدنى ,,شيون قرب منه بالعافيه و قعد يخرج السمك من الشبكه,,بعد ما حفيدى سوهو اخترع الطعم ,فى بعض الشركات اللى كنا بتعامل معاها فرضت علينا جزاء عشان بدلنا المنتج او المصدر اى كانت الحجه علشان ياخدوا فلوس شرط الجزائى او نفضل نشترى منهم ,,بورام سددت كل الفلوس اللى علينا ,,
شيون(بصله باستغراب):بجد,,
الاجاشى:مش كده و بس هددتهم انهم لو عملوا كده تانى هترفع عليهم قضيه,,
شيون:بس ازاى هى مش ,,اقصد حالها على قدها زيكم,,
الاجاشى:لا بورام مش مننا اصلا ,,
شيون:ازاى,,
الاجاشى(مسك الشباك و رماها تانى):دى قصه طويله,,بس انا بحمد ربنا ان اليوم ده عدى على خير,,
شيون(مفهمش قصده ,حب يسال تانى عنها و كان عايز يعرف كل حاجه عنها):هم اهلها فين؟
الاجاشى(رفع الشبكه بقوه كانه بيطلع غضبه فيها):توفوا,,و الاحسن متجبش سيرتهم و نبطل كلام عنها ,,يلا بينا هنرجع ,,
شيون(حس انه الكلام عنها بيصحى جرح ميت فكتم فضوله):حاضر,,
بعد ما رجعوا,,الاجاشى حط السمك فى صناديق خشب و قال لشيون يشلهم على ضهره و يوديهم لحد الرصيف,,شيون بالنسبه له الطلب ده كان اسهل بكتير من فكره البحر...
بعد ما خلص نقل اخر صندوق ,وقف يشرب مايه و جسمه كله مايه و عضلات دراعه بارزه بعد ما قلع القميص و فضل بالتيشرت الكت الابيض,,
بورام (فضلت واقفه متنحه فيه,قلبها دق و بلعت ريقها):احمم ,,
شيون(حرك راسه بعد ما سكب المايه على راسه زى الاعلانات):فى حاجه,,بورام,
بورام(هزت راسها عشان تفوق من خيالها):البس حاجه مش مناظر دى نشوفها على الصبح,,مشيت,,
شيون(بص على نفسه):مالها المجنونه دى,,
جرى وراها لحد ما وصل لمكانها,,لقاها واقفه بين اتنين ستات كبار بيتخانقوا و بورام بينهم بتحاول تهديهم,,
شيون(زعق بقوه عشان يسكتوا):بـــــــــــــــس,,ايه اللى بيحصل هنا,,
السيده نام (قربت منه و ضربته بخفه على دماغه):فى حد يزعق للكبار كده,,ثانيه واحده انت مين,,
بورام(همست):انت ايه اللى دخلك بس,,
شيون(حس بالحرج):انا شيون,,صديق بورام,,
السيده نام:بورام صحبك ده ,,
بورام:اه,,
السيده نام(قربت منه و مسكت وشه و قعدت تقرصه من خدوده):كيوت اوى,,
شيون(بصلها باستغراب و اتكلم بالعافيه):متشكر,,
بورام:اعرفك السيده نام كبيره السوق,,و اللى انت هتبيع لها السمك,,
السيده نام:هاخده كله,,ضحكت,,
شيون(ضحك لها):اومو بجد متشكر اوى ,,ازاى يا بورام تقولى عليها كبيره دى زى القمر و اول ما شفتها كنت فاكره اختك الصغيره عشان كده زعقت,,اعذرينى على قله ادبى,,
السيده نام:ولا يهمك كويس انك زعقت عشان العقربه دى تمشى اوف,,هات السمك عشان اشتريه,,
شيون:ثوانى و هكون عندك,,قرب من بورام,,شفتى بقى التعامل الكويس نتيجته ايه ادينى هكسب اكتر منك,,ضحك بخبث و جرى يجيب الصناديق,,
بصتله بورام بقرف و جزت على سنانها من الغيظ,,بعد ما رجع شيون اخدت منه السيده نام كل الصناديق و اديته فلوسها,,وقف شيون يعد قدام بورام الفلوس و يطلع لسانه و يغيظها ,قرب من السيده نام ووقف يهزر معاها و بورام بصاله بقرف ..لحد ما سمعوا صوت زعيق من بعيد ,,بورام بصتله و ضحكت,,
الاجاشى:بتعمل ايه يا ولد,,
شيون(حس انه فى ورطه):انا,,
الاجاشى:اه ازاى تقف تهزر معاها ,,وانتى يا هانم مبسوطه اوى,,
السيده نام(صرخت فيه):انت بتزعقلى كده ليه هاه و هو انا اجرمت,,
شيون(اانسحب و سابهم يتخانقوا لحد ما وصل عند بورام):هو فى ايه,,
بورام(بصتله من فوق لتحت و مشيت):مش هقولك,,
شيون لحقها لحد ما وصلت عند مصنع قديم اتحول لسوق للخضار و اللحم و باقى المستلزمات,,,دخلوا السوق و مشيوا فيه و كل الناس بتسلم عليها و عارفاه,,شيون حس باستغراب بس محبش يسالها ,,
شيون(فتح تانى موضوع السيده نام و الاجاشى):قوليلى بقى,,
بورام:حاضر حاضر,,السيده نام و الاجاشى كيم هيتجوزوا بعد يومين ,,
شيون(ضحك):بتهزرى,,
بورام:لا خالص ,,هما بيحبوا بعض من ايام ما كان عمرهم 15 سنه ,,حصلت ظروف لاهل السيده نام و اجبروها على الجواز بدرى ,,طبعا الاجاشى حالته كانت شبه انتحاريه و هى بردوا بس ضحوا فى حبهم فى سبيل اهلها و احتياجهم للفلوس عشان يقدروا يعالجوا والدها,,بس كل واحد منهم اتجوز و خلفوا و لسه مع بعض فى القريه عاشوا كاصدقاء لكن عاملين زى القط و الفار,,بعد ما توفى زوج السيده نام الاجاشى كان بيعزيها و الفرحه فى عينه ,رغم انه كان هيموت و يروح يقولها انه لسه بيحبها و قلبه بيدق لحد دلوقتى كل ما بيشوفها كان عمرها لسه 15 سنه ,,مقدرش لانه افتكر انها هترفض بسبب السن و كمان كلام الناس,,فضل بعد وفاه زوجها 5سنين لحد ما اقنعته انه يتكلم معاها عادى يمكن متخيبش ظنه و فعلا اول ما قلها قعدت تعيط و تضربه انه ازاى كان فاكر كده و ليه موثقش فيها وفى حبهم و انها فضلت مستنياه كل ده لحد ما كانت هتفقد الامل,,,,,,بس ,,ابتسمت,,,
شيون(فضل باصص لها و هو مبتسم):يا بخته,,فعلا هو ده الحب الحقيقى,
بورام(ابتسمت له):قولى يا شيون ,,انت مرتبط,,يعنى مجرد سؤال,,
شيون(بصلها بضيق):كنت,,انفصلت فى اليوم اللى قابلتينى فيه عشان كده انا جيت الرحله دى,,لكن,,
بورام:عارفه المكان مش مناسب خالص لحالتك,,
شيون:بالعكس انا من ساعه ما جيت هنا و انا مفكرتش فيها خالص كان الموضوع محصلش,,شكرا,,,
بورام(بصت فى الارض):العفو,,
شيون(قرب منها):ايه ده,,
بورام(بصتله بعيون مفتوحه و بلعت ريقها):فى ايه,,
شيون(مد ايه و شال رمش من خدها):خلاص,,ابتسم,,
بورام(فضلت باصه فى عيونه لحد ما سمعت صوت قطع اللحظه فضربته فرجله و مشيت ):متعملهاش تانى,,
ايونجى(من بعيد):اووووه واضح انى جيت فى وقت مش مناسب,,
شيون(ماسك رجله و بيتالم):خالص,,
بورام:ايه اللى جابك,,
ايونجى:بشترى طلبات ,,صفرت فظهر سوهو من وراها شايل شنط كتيره جدا و مش عارف يمشى,,,يالا بلاش دلع,,
شيون(ماسك رجله و بيضحك):ايه اللى انت عامله ده,,
سوهو:لو اعترضت هتضرب,,
بورام(اخدت منه شنط):نفسى اعرف بتسمع كلامها ليه,,
ايونجى:وهو يقدر يعترض,,لكن شيون اوبا,,ايه اللى انت لابسه ده ,للحظه معرفتكش,,
شيون:انا نفسى معرفتهاش,,
بورام(قاطعتهم):عملتى ايه فى الامتحان,,
ايونجى:ليه النكد ده,,كان صعب,,صح يا سوهو,,
سوهو:ايه,,اه اه,,
بورام:فعلا,,
سوهو:فى الحقيقه,,كان سهل جدا,,
شيون وبورام ضحكوا,,,,ايونجى ضربت سوهو على رجله و مشيت,
ايونجى(لفت):يلا مستنى ايه,,
سوهو(اخد الشنط من بورام):لازم امشى,,
بعد ما مشى سوهو و ايونجى,,بورام و شيون راحو عند محل اللحوم,,
بورام:اجاشى عايزه كيلو لحمه,,
الاجاشى:5 دولار,,
شيون:انا اللى هدفع,,
بورام:طبعا,,
شيون(حس بالاحراج لكنه ضحك):طبعا,,مد ايده و دفع,,
بورام:بتضحك على ايه,,
شيون:عجبنى شعرك,,
بورام(لمست شعرها):شكرا,قالتلها بشكل محرج,,,
الاجاشى:اتفضل,,,
اخدوا اللحمه و بعدها طلب شيون منها تسبقه لاول السوق و هيحصلها,,استغربت لكنها نفذت طلبه,,بعد ما مشيت طلب من الجزار يديله لحمه اكتر بس مش من فلوس اللى اشتغل بيها,,اخد اللحمه منه و بص على الشنطتين ,,ابتسم لم شاف الشنطه اللى جابها من فلوس النهارده و لفها كويس و مشى,,
بورام:خلصت,,
شيون(ابتسم):اه,,يلا بينا,,
فضلوا ماشيين جنب بعض من غير كلام ,,شيون يخطف نظره و يبص عليها و بعد كده يبص قدامه تانى و هو بيبتسم,,حست بورام ان فى حاجه غريبه,,
بورام:بتبصلى كده ليه,,
شيون:اقولك من غير اهانه,,
بورام(ضحكت):اتفضل,,
شيون:اول مره اشوف بنت زيك,,
بورام:ازاى يعنى,,
شيون:يعنى تركيبه غريبه,,قصيره و قليله فى الحجم و فى نفس الوقت قويه جدا و عندك عزيمه و عزه نفس و حب للناس اللى هنا قد الدنيا,,ده غير ان الناس هنا بتحبك اوى و كلهم عارفينك لكن مشفتش اهلك,,
بورام(وشها قلب للضيق):اهلى توفوا,,
شيون:امتى,,
بورام:من خمس سنين,,
شيون:انا اسف,,لكن هى دى بلدك
بورام(ابتسمت):لا,,انا من سيول,,
شيون:بجد ,,طب انتى عايشه هنا ليه,,
بورام:كفايه اسئله لحد هنا و بعدين متشغلش بالك بيا,,اول ما اجازتك تخلص مش هنشوف بعض تانى فمش محتاج تعرف عنى اى حاجه تانى,,
شيون(وقفها عن المشى و مسك ايدها):يعنى مش هشوفك تانى ,,
بورام:اه ده اتفاقنا,,مش مهم انت هتشوفنى و لا المهم تتعلم حاجه او تحس بتغير عشان تقدر تغير من اللى حواليك,,يلا بينا انا تعبت,,حطت ايدها على قلبهاو بعد كده مشيت,,
شيون(نادى عليها):بورام ,,استنى,,
بعد ما وصلوا لبيت الاجاشى,,شيون دخل غير هدومه و كان الوقت قرب على غروب الشمس,,طلع من الاوضه و ووقف فى جنينه البيت يبص على السما ,,دخل بسرعه و خرج الكاميرا بتاعته من شنطته ,,وهو بيطلعها وقعت من الشنطه صورت حبيبته,,مسكها و بصلها ,بدون تردد قطعها و رماها على الارض و خرج,,
شاف بورام شايله الاكل مع السيده نام ,,من غير ما تاخد بالها صورها,,حط الكاميرا جنبه و فض باصصلها وهو مبتسم ,,حس بحاجه غريبه فى قلبه,,حط ايده عليه ,,
سوهو(قاطعه):هيونغ يلا علشان ناكل,,
شيون(اتنفض من مكانه):ايه فى ايه,,
سوهو:هناكل,,مشى
شيون(ناداه):سوهو مالك,,
سوهو(اتنهد بضيق):مفيش,,
شيون:ازاى مفيش,,احكيلى احنا مش صحاب,,تعال ناكل و بعد كده نتكلم,,
سوهو:مش عايز اكل,,
شيون(شده ):يلا بلاش دلع,,
قعدوا على طاوله طويله و اتفاجا من وجود كل الناس دى,,
شيون(همس لسوهو):هو فى ايه..
سوهو:اه ده احتفال بسيط قبل الجواز..
شيون:اه,,طب استنى ثانيه,,
راح بسرعه الاوضه ,,رجع لبورام و ناداها,,
بورام:فى ايه,,
شيون:خدى,,
بورام:بس,,
شيون:من غير كلام,,
بورام:شكرا,,ابتسمت ,
شيون(ابتسم لها,,اتكلم بتوتر):انا هروح بقى,,شاور على سوهو,,اقعد هناك,,سلام,,
بورام(ضحكت ):غبى,,
شيون (رجع تانى لسوهو):مالك مضايق من ايه ,,
سوهو(بيأٍس):مفيش,,
شيون(ابتسم):بسبب ايونجى,,
سوهو(بصله بتوتر):انت لاحظت,,
شيون:عيب ده انا خبير,,انت معجب بيها,,
سوهو:اه انا بحبها جدا اوى كتير,,
شيون(ضحك):يا عينى ,,طب ما تقولها,,
سوهو:مش قادر,,
شيون:ليه,,
سوهو:خايف ترفض و علاقتنا بعدها تبقى غريبه و انا مش هستحمل انها تكون بعيده عنى,,
شيون(ربت على كتفه):لازم تبقى شجاع و دى خطوه عشان تثبت لنفسك انك راجل قدام نفسك و قدامها,,بعد الاكل روح قولها,,و انا هساعدك,,
سوهو(ابتسم):بجد,,
شيون:هعمل اللى اقدر عليه بس الاهم تكون شجاع و تقولها,,
سوهو(ضحك):حاضر,,
السيده نام:يلا اتفضلوا كلوا,,
بورام(شايله طبق):اللحم المشوى,,هديه من شيون شى,,بصتله و ابتسمت,,
شيون(وقف):ده سر,,مش مهم,,المهم اننا النهارده عشان نحتفل باحلى قصه حب سمعتها تغلب روميو و جولييت,,الاجاشى كيم و السيده نام مبروك,,
الاجاشى(ضحك):مش عارف اقولكم ايه بس,,نزلت دموعه,,مبسوط انى بحتفل بامنيتى الوحيده فى الحياه وسطكم,,و طبعا فى وجودك شيون,,هيورين بحبك,,
السيده نام(حطت ايدها على فمها):يااه بقالى كتير مسمعتهاش,,مين جون,,بحبك,,وقفت و حضنته و قبلها برقه,,
كل الموجودين صقفوا جامد ليهم,,
شيون و بورام بصوا لبعض و ابتسموا بعد كده بورام اتغيرت ملامحها و بصت الناحيه التانيه,,استغرب شيون من رد فعلها بس اللى لفت نظره سوهو اللى وشه اتقلب و ساب المكان و مشى,,بص قدامه لقى ايونجى داخله و ماسكه ايد ولد,,شيون حصله بسرعه ,,لحد ما وصل و لقاه قاعد عند شاطئ البحر,,
شيون(قعد جنبه و ربت على ضهره):سوهو ,,
سوهو(رفع راسه من بين رجليه و بان عليه الدموع):انا اتاخرت صح,,لكن حتى لو سالتها ازاى كانت هتحب واحد زيي,,
شيون:و هو انت فيك ايه بقى ان شاء الله,,
سوهو:انت مش شايف انا وحش و زكى بطريقه مستفزه و اكيد هي بتضايق من كده و رفيع شايف جسمى وحش اوى,,
شيون كان لسه هيتكلم لقى اللى بينط على ضهر سوهو و بتضربه على راسه و قبلته على خده,,
شيون:خضتينى,,
بورام:اصل لقيت حبيبي مش موجود قلت اطمن عليه,,
سوهو(مسح دموعه):نونا..
بورام:ايه يا كلبوبى الصغير..ايه اللى انت بتقوله على نفسك ده ,,انت وحش اومال شيون يبقى ايه.
شيون(كان مبتسم ووقلب):نعم,,
بورام(غمزتله):ولا ايه يا شيون,,
شيون(ضحك):اه طبعا ,,بعدين هو الراجل بشكله,,
بورام:لا طبعا,انت بس اقلع نضارتك ,قلعته النضاره و ضحكتله ,,قمر,,
شيون:وااو و بتقول انك وحش ,,
سوهو(ضحك):بس مش هشوف,,
شيون:ولا يهمك فى حاجه اسمها عدسات هديتك منى,,
سوهو(حضنه):شكرا هيونغ,للكن ,,
بورام:ايه تانى,,سوهو يا حبيبى انت من غير اى حاجه حلو و قبل ما تحبك عشان شكلك لازم تحبك بسبب شخصك لانك طيب اوى و قلبك ابيض زى البوبى الصغنن و لا ايه,,ضحكت و بعثرت شعره,,
سوهو:صح,,
شيون(بصلها و ابتسم):صح,,
بورام:مستنى ايه,,
سوهو:مينفعش خلاص,,
شيون:حاول و صارحها بس بوش جدى ,,كده قلدنى ,,بص لبورام بجديه,,انا بحبك,,
بورام(اتوترت و بلعت ريقها):بالظبط كده,,
سوهو:تمام,,وقف ,,ادعولى,,جرى بسرعه,,
بعد ما مشى بورام نامت على الشاطئ و شيون وراها,,فضلوا باصين للسما لحد ما شيون بصلها ,,
بورام:مش هتبطل العاده دى,,هقوم و اسيبك,,
شيون(ضحك):خلاص,,قوليلى يا بورام انتى حبيتى قبل كده,,
بورام(سكتت شويه):لا ,,
شيون(بصلها باستغراب):ازاى,,
بورام:مستغرب اوى كده ليه,,
شيون(سند راسه بايده و بصلها):يعنى بنت حلوه زيك,,اتوتر,,,اقصد انتى بنت ازاى متحبيش,,
بورام(قلدت قعدته):وهو كل بنت لازم تحب,,
شيون:اى انسان,,يعنى انا مقدرش اعيش من غير حب,,
بورام(ضحكت):انت بقى قابلت النقيض,,بالنسباله لى الحب مضيعه وقت المهم عندى اسعد اللى حواليا على قد ما اقدر ,,
شيون:طب ما انتى ممكن تعملى الاتنين,,
بورام:ده لو فى وقت,,
شيون(ضحك):ليه انتى وراكى حاجه,,
ببورام:تقدر تقول كده,,
شيون:طب ما تجربى تعملى الاتنين مع بعض مش ممكن الوقت يقضى,,
بورام:هبقى افكر فيها,,قولي بقى,,ايه رايك فى يومك الاول,,
شيون:اقولك الحق,,
بورام:اكيد ,
شيون:متعب اوى,,انا ضهرى هيموتنى,,
بورام(بثتله بتعجب):انت عملت حاجه,و
شيون(بصلها باستغراب):نعم كل ده و معملتش,,
بورام(ضحكت):مش اوى,,بكره لسه التقيله,,
شيون(نام على ضهره):اوه ماى جاد,,اتعدل تانى,,بس انا مبسوط اوى,,,
بورام:شكرا,,
شيون(بصلها باستغراب):ليه,,
بورام:لانك اثبتلى تانى انى صح,,
شيون(بصلها و ابتسم):العفو,,
بورام(فضلت باصه فى عينه لحد ما حست ان فى حركه غريبه فى قلبها,,قامت بسرعه من مكانها و اتكملت بتوتر):انا هرةح انام بقى,,
شيون:ليه خلينا شويه,,
بورام:بكره ورانا حاجات كتير يلا انت كمان,,
شيون(قام من مكانه):حاضر,,ابتسم,,
بورام(بصت الناحيه التانيه اتنفست و مشيت بسرعه,,
شيون بصلها و ضحك على طريقه مشيها زى العساكر اللى وراهم مهمه,,,
وصلوا لبيت الاجاشى و دخل شيون البيت بعد ما ودعها,,اتفاجئ لم شافها رايحه لبيت السيده نام,فعرف انها عايشه معاها,,دخل شيون اوضته و ووقف فيها يبص يمين و شمال يتفرج عليها بالغرم انها قديمه الا انه حس ان فيها دفئ اكتر من اللى كان بيحسه فى بيته او حتى اكبر فندق فى العالم كله,,خرج الكاميرا بتاعته و بدا ياخد صور لكل مكان فى الاوضه,,سمع صوت دوشه برا,فتح الباب ببطئ و شاف الاجاشى و هو داخل البيت بتمختر بالغنا فى مكانه و بيرقص و بيلف حوالين نفسه ,,,وقف شيون يتفرج عليه و هو بيضحك على سعادته للحظه حس شيون انه بيحسده,,من غير ما الاجاشى ياخد باله شيون اخدله كام صوره ليه ,,بص على الصوره اللى اخدها فى الكاميرا و اتفرج على المكان حواليه بنظره ,اتنهد و ابتسم و دخل قفل اوضته,رمى نفسه عى الارض مكان نومه و فضل باصص فى السقف قعد يفتكر اليوم كله و يضحك لحد ما نام,,,,
فى اليوم التانى مع صياح الديك الساعه 5 الصبح بالظبط شيون لقى نفسه بيصحى من صوت الازعاج اللى محاوطه من كل مكان,,
فتح باب الاوضه و لقى الاجاشى فاتح اغانى قديمه بصوت عالى بيغنى قاعد بيخرج الكيمتشى اللى سوهو قاله عليه امبارح ,,المكان كله ريحته بصل و ثوم شيون دخل بسرعه و قفل باب الاوضه ,حس انه هيتخنق ,خرج منديل معطر من شنطته و سد بيهم نفسه,,,
خرج و هو بيبعد اشعه الشمس عن عينه بايده ,,ووقف جنب الاجاشى يتفرج عليه و بيرقص بطريقه غريبه ,شيون مقدرش يمسك نفسه و قعد يضحك عليه,,,
شيون(خبط على ضهر الاجاشى):محتاج مساعده,,
الاجاشى(ساب اللى فى ايده و بصله):اووه شيون صحيت بدرى ,,اه فى طبق كبير هناك جنب البيت هاتوه,,
شيون(جاب الطبق و رجع):اتفضل,,ممكن ادوق,,
الاجاشى:اكيد ,,قول اااه,,
شيون(ضحك و فتح فمه,,مضغ الكيمتشى كويس و استمتع بكل طعم,,فتح عينه على اخرها و قعد يضحك):وااو طعمه تحفه,,
الاجاشى(ضحك):خلى بالك هتبهدل نفسك,,
شيون(اخد قطعه تانيه و اكلها,,اتكلم و هو بياكل):مش مهم,,
اتفتح باب البيت و دخلت منه بورام,,فضلت تتفرج على شيون و هو شغال ياكل فى الكيمشتى و مش عايز يقف لحد ما الاجاشى وقفه بالضرب,,
بورام(ضحكت):صباح الخير,,
الاجاشى:بورام تعالى دوقى اى حاجه قبل ما شيون يخلص علي كله,,
شيون(بيمسح فمه من الصلصه و بيضحك):طعمه حلو كده ازاى,,
الاجاشى:ده سر المهنه,,
بورام:نمت كويس,,
شيون(مسك كتفه):يعنى,,
بورام:المهم انك نمت علشان هنبدا الشغل,,
شيون(فرد دراعه و كانه تعبان):ايه العذاب ده,,بعدين شغل ايه دلوقتى الساعه ,بص فى الساعه,,هيييه 5 الصبح,,
بورام:تعال ورايا,,
راح وراها,فتحت باب البيت وشاورتله على القريه,,
بورام:ايه رايك,,
شيون(فضل باصص باندهاش):ايه الناس دى كلها,,
الشوارع كلها كانت مليانه بالناس اللى رايح المدرسه و اللى شايل شباك الصيد و متجه للمينا و بقيه التجار اللى هيفتحوا محلاتهم فى السوق,,,
بورام:شفت,,الناس هنا مش بتهزر,,يلا بينا,,,
دخل شيون و غير هدومه ,,لبس الجزمه اللى بورام اديتهاله و بعد كده طلع و التعب على وشه,,بورام ضربته على كتفه كنوع من التشجيع لكنه كان هيقوم يقتلهاا و يخلص من العذاب ده كله,,مشى قدامه بملل لحد ما وصلوا للمزرعه متقسمه كذا جزء,,جزء للفراخ و جزء للحيوانات زى البقر و الجاموس,و جزء للاحصنه و جزء للماشيه,,,
بورام(بضحكه مستفزه):تحب تبدا بايه,,
شيون(بصلها بفزع):نعم ,,هو انا هعمل ايه هنا,,
بورام:دى وظيفتى النهارده و انت اكيد مش هتسبنى اشتغل لوجدى صح,,بربشت بعنيها,,
شيون(بصلها بملل):لا طبعا ده حتى عيب,,تنى دراع قميصه,,ها هنبدا بايه,,
بورام(شاورت على جزء الفراخ):يلا ,,,
دخلوا الاتنين بعد ما لبسوا غطا مطاط عشان يعرفوا يمسكوا البيض كويس,,شيون اول ما دخل كان رافض انه فكره انه يمسك البيض او حتى يلمسه ,,اتفقوا على انه هيتولا مهمه مسك الفراخ و هى البيض,,شاورلها انه هيهجم و هى هتجرى بسرعه تاخد البيض,,فعلا بدا الهجوم و الجرى و را الفراخ لكنه فشل فى انه يمسك اى فرخه ,,سرعتهم خلت نفسه يتقطع لحد ما كان هيغمى عليه من الجرى وراهم ,,بورام خلصت مهمتها وفضلت واقفه تتفرج عليه و تضحك ,,
شيون(زعق لها):يااااااااا انا تعبت,,رمى القفازات و مشى,,
بورام(مقدرتش تبطل ضحك و خرجت وراه بسرعه):استنى بس انت بتيأس ليه بسرعه,,اومال فين الحماس بتاع امبارح و لا تحب تفطر سمك ,,
شيون(حس انه هيرجع):افطر سمك ,,يع,,طب و لو خلصت هتفطرينى ايه,,
بورام:اللى تحبه ,دى فلوسك و اتصرف بيها,,
شيون(مد ايده):اتفقنا,,
بورام(مسكت ايده):اتفقنا,,
دخل شيون على جزء الماشيه و وعمل زى ما بورام قالتله بالظبط ازاى يمسكهم و يحميهم و يغير ليهم الاكل و المايه و ازاى يحلق لهم الفرو اللى هيستفيدوا بيه بعد كده ,,كل ده شيون كان منبهر من اللى بيعمله كانت تجربه جديده بالنسبه ليه,,,بورام قعدت تتفرج عليه و هى سانده على السور و مبسوطه,,
خلص الجزء و دخل على اللى بعده لحد ما فضل جزء الاحصنه,,
شيون(ضحك بعد ما مسح عرقه بـأيده المليانه طين):اخيرا حاجه افهم فيها,,
بورام(قربت منه و مسحت الطين اللى على وشه,,بعد كده ابتسمت له بتوتر):اتفضل,,
شيون(اخد منها المايه واستغرب من طريقتها اللى اتغيرت):شكرا,,
دخل للاحصنه و جاب صندوق المايه و الصابون و الفرشه بتاعتهم و فضل يطبطب عليهم و يحميهم,,بورام حست كانها قاعده بتتفرج على فيلم لحد ما شيون قطع تفكيرها ,,
شيون:بتعرفى تركبيهم,,
بورام:اه,,
شيون(ضحك):وااو زى ما توقعت,,تيجى نعمل سباق,,
خرجوا بالاحصنه برا المزرعه فى طريق شبه الغابه,,ركب كل واحد فيهم حصان و الباقى ربطوهم فى سور المزرعه من برا,,,
شيون:مستعده,,
بورام(ضحكتله بحماس):طبعا,,يلاا,,
بدأو السباق ,,الاول كانو فى نفس السرعه يبصوا لبعض و يضحكوا كانهم فى سباق حقيقى وكل واحد بيتحدى التانى,,بورام غمضت عينيها للحظات و اتنفست و هى بتبتسم كانها بتطير ,,فتحت عينها لقت شيون بيبصلها و هو بيضحك,,,شيون حس ان قلبه بيدق تانى لم شاف شعرها القصير الاسوج بيطير فى الهوا زى الحرير و بيظهر ملامح وجهها الجميله الطفوليه,,,حس انها اتوترت من نظراته فحول نظراته لقدام اللى اتحولت للفزع لم لقى شجره واقعه فى الطريق قدامهم,,,
بورام مكنتش واخده بالها و كانت شبه سرحانه لحد ما حست بصوت شيون اللى بيصرخ فيها عشان تبص قدامه و توقف الحصان,,لكن فات الاوان و الحصان اتقلب ووقعت من عليه,,
شيون جرى عليها و لقاها واقعه على الارض مغمضه عينيها,,
شيون(بيضربها على وشها علشان تفوق):بورام بورام فوقى,,
الاول مكنش فى استجابه لكن بعد لحظات فتحت عينيها و قعدت تضحك,,
شيون(بصلها بغضب):انتى بتستهبلى,,وقعتى قلبى,,قعد جنبها,,
بورام(عدلت نفسها و قعدت تكح جامد بعد كده اتنفست و رجعت تضحك):تحفه,,
شيون:انتى مجنونه,,
بورام:مين اللى كسب,,
شيون(حس انه عايز يضربها):ده وقته,,
بورام:ليه خايف تعترف انى هزمتك,,
شيون(شاورلها بالضرب):تصدقى انى غلطان ,,
بورام (بصتله بجديه):متخافش عليا مش هيحصلى حاجه ,,انا نهايتى معروفه مش دلوقتى,,
شيون(ضحك):واضح ان الوقعه قصرت على دماغك,,يلا يا مجنونه,,وقف و مد ايده ليها ,
بورام(مسكت ايده و وقامت):بردوا مقلتليش مين اللى كسب,,
شيون(ضحك):انتى ارتاحتى,,
بورام(نطت مكانها و هى بترقص بحركات غريبه و جريت قدامه):يلا هنتاخر,,
شيون(بصلها و ضحك على تصرفاتها الطفوليه و حس انها رجعته تانى طفل عنده 5 سنين قبل ما يتحمل اى مسئوليه او يشيل ااى هم,,,,,
بعد ما رجعوا للمزرعه جمعوا المحصول اللى طلعوا بيه و سلموه للاصحاب المحلات ,,اخدوا فلوسهم و كل واحد وقف بعيد عن التانى يعد فلوسه فى السر,,شيون قرب منها يعرف اخدت قد ايه ,,اول ما عرف انها اقل منه بصلها بغيظ و طلع لها لسانه,,بصتله بضيق و كانت هتضربه و لكنه جرى بعيد عنها,,,,
خرجوا من السوق و فى طريقهم للمينا ,,شيون رجع تانى يخطف نظره ليها و يبص قدامه...كانت دي طريقته دايما فى التاكيد على حاجه معجب بيها,,ضحكت على تصرفه لكنها مضايقتش منه حست انها مستمتعه بنظراتها ليها,,,
وصلوا عند المينا ,,المفروض يطلعوا مع الاجاشى كيم النهارده لجزيره قريبه عشان يصطادوا منها نوع معين من السمك,,لكنهم ملقوش اى اثر ليه لحد ما شافوا سوهو جاى عليهم,,
بورام:سوهو فين الاجاشى,,
سوهو:تعبان فى البيت ,,بعد ما خرجتوا حس ان بطنوا واجعاه,,السيده نام اديته دوا و قاعده معاه فى البيت,,
شيون:الف سلامه,,
بورام:خلاص بلغه اننا هنروح بداله النهارده,,
سوهو:حاضر ,,
شيون:انت لسه نتضايق,,
سوهو(اتنهد):يعنى,,امبارح ملقتهاش فى المكان اكيد راحت مع الغبى بتاعها,,
بورام:معلش المهم ركز فى امتحانك النهارده ,,
سوهو:حاضر,,حتى لو طلبت منى اغششها فى الامتحان النهارده مش هسمع كلامها,,
شيون:انت كداب يا سوهو,,
سوهو(بصله بيأس):عارف,,اتنهد,,سلام,,
بورام:مسكين,,
شيون:ليه ,,ده بيحب يا بخته,,
بورام:انت ايه حبك فى الحب للدرجه,,
شيون:طبيعي ,,هو اللى بيخلى للحياه معنى ,
بورام:\طب يلا يا روميو,,,
طلعوا المركب و خوف شيون من البحر قل شويه لانه محبش يبان قدامها انه جبان,,وصلوا للجزيره المطلوبه بسرعه,لموا الشباك اللى فى المركب كلها و رموها فى البحر و نزلوا من المركب يتفرجوا على الجزيره لحد ما الشبكه تجمع اكبر عدد سمك,,,
فضلوا ماشيين فى الجزيره و هم بيتفرجوا على جمالها الطبيعى,,شيون حس بالندم لان الكاميرا بتاعته مش معاه ,,لكن كان فى سبب تانى خلاه ينسى و يحس انه مبسوط,,,بعد ما كان قرب ينسى الاحساس ده بطنه فكرته بيه تانى بصوتها العالى,,,
شبون(مسك بطنه):انا جعان,,
بورام(سمعت صوت بطنه و ضحكت):تقدر تستحمل,,
شيون:خالص,,هموت و اكل ,,
بورام:مفيش غير حل واحد نصطاد سمك و نشويه,,
شيون(احساس الغثيان رجعله تانى):سمك بردوا,,خلاص مش عايز اكل,,وشه قلب طفل صغير,,
بورام(بصتله و حست انها عايزه تقرصه من خدوده على تعابيره ,,بصت حوالين المكان لحد ما عينها وقعت على شجره موز):تعال ورايا,,
شيون(ابتسم ):هناكل,,,
قربوا من الشجره و بورام طلبت منه يرفعها على كتفه عشان تعرف توصل,,رفعها لحد ما قربت توصل للموز ,كانت هتقع و فضلت تصرخ و هو وراها لحد ما عرف يعدل اتزانه تانى و عرفت توصل للموز,,قطعت اللى تقدر عليه و بعد كده نزلها,,
بروام(بصت حواليها لقيته قاعد على الارض و بياكل فى الموز,,بصتله بضيق):بالهنا و الشفا,,
شيون(بصلها وضحك ,مد ايده بالموز):اسف,,
بورام(رجعت تضحك تانى و اخدتها منه):شكرا,,
قعدوا ياكلوا فى الموز لحد ما حسوا بالعطش ,,شيون شاف شجره جوز هند فشاورلها و ضحك,,فهمت قصده و جريت على هناك سبقته,,
طلعت على كتفه تانى لكن المره دى و هى بتحدف جوز الهند وقع على دماغه ,,شيون حس انه داخ فنزلها على طول قبل ما يحصلها حاجه لو وقع بيها,,نزلت من على كتفه و قربت منه عشان تشوفوه لقت فى دم فى دماغه و هو ماشى من غير اتزان,,
جريت سندته قبل ما يقع و بسرعه شدته من ايده للبحر ,,قعدته على قرب الشط و بايديها بدات تملى مايه و تحطها على دماغه عشان تغسله مكان الجرح لحد ما فاق من الدوخه,,,
بص قدامه و لقاها فى وشه حس انها جميله اوى زى كانها حوريه بحر ,, فضلت بقلق و عماله بتنادى اسمه ,,ابتسم لها زى المغيب و لمس وشها باطراف صوابعه,,
بلعت ريقها و حست بالتوتر و الكهربا بتمشى فى جسمها,,قربت ايدها من وشه و ضربته بخفه عشان يرد عليها,
بورام(بصوت رقيق):شيون انت كويس,,
شيون(بصلها و ابتسم):جدا,,
بورام(ضحكت):كويس,,وبعد كده اتغيرت ملامحها اول ما حست ان قلبها بيدق و قامت بسرعه,,
شيون(وقف هو كمان وراح وراها للمركب):هنرجع دلوقتى,,
بورام:اه,,
شيون:طب ممكن اعمل حاجه قبل ما نمشى,,
بورام:ايه,,
بصلها و ابتسم بطفوليه و بعدها جرى بسرعه للبحر و هو فاتح دراعه للهوا و بيصرخ لحد ما وصل لعمق العوم,,بورام حست ان قلبها بينط من السعاده لم شافت ضحكته,,شاورلها من بعيد علشان تيجى تعوم معاه,,اى بنت كانت هترفض لكنها كانت مستنيه انه يعمل كده كسبب تبرر بيه فعلتها,,,قلعت الجزمه بتاعتها و جريت ناحيته ,,وصلت عنده,غطسوا هم الاتنين مع بعض بعيون مفتوحه بتفرجوا على المناظر من تحت البحر,,طلعوا و هم بيحاول ياخدوا نفسهم بيضحكوا ,,فضلوا يلعبوا مع بعض لحد ما حسوا بالتعب,,
طلعوا للشط قعدوا قدام البحر يرتاحوا و هدومهم تنشف,,بورام نامت على الشط و فضلت باصه للسما,,شيون بص عليها و ابتسم و عمل زيها,,رفعت ايديها تبعد اشاعه الشمس عن وشها ,بصت جنبها و لقت شيون بيعمل كل حركه هى بتعملها ,,ضحكت على تصرفاته و قامت من مكانها,,
بورام:يلا بينا,,
شيون:ثانيه واحده,,قفل عينه و بص تانى ,,
بورام:بتعمل ايه,,
شيون:بحاول احفظ صوره المكان فى خيالى ,,
بورام(وقفت زيه و قفلت عينيها):انا كمان هحفظه,,
شيون:ليه انتى ممكن تيجى فى اى وقت,,
بورام(ابتسمت بضيق):محدش يعرف اللى هيحصل,,,يلا بينا,,
ركبوا المركب و لموا الشباك من البحر,,بورام حست انها تعبانه جدا و شيون لاحظ ده عليها ,فطلب منها ترتاح و هو هيكمل,سمعت كلامه و نامت فى طرف المركب,,شيون اتولى الطريق مع انها اول مره ليه بس حس كانه بقى خبير فى الموضوع ده من مراقبته ليها و للاجاشى طول عمره معروف بذكاءه و سرعه بديهته,,الجو كان هادى و صوت الرياح مع نسمه الجو خلت مشاعر شيون تتحرك تانى لم بص على بورام وشايفه نايمه زى الملايكه ,,ابتسم على قلبه اللى دق بسرعه اوى مع وقت قصير,,,,,,
رجعوا للمدينه ,,شيون وبورام نزلوا الصناديق من المركب ووصولوها للسوق,,الوقت كان قرب على الغروب و الاتنين كانوا هيموتوا من التعب و الجوع,,,
اول ما السيده نام ناديتهم للاكل جريوا بسرعه زى الاطفال و قعدوا قدام الاكل لحد ما بطنهم وجعتهم,,,بعد ما خلصوا بورام وقفت مع السيده نام و جمعت الاطباق و راحت تساعدها فى التنضيف,,,
شيون قعد قدام البيت و قعد يتفرج على الناس ,,حس كانه فى بلده محسش بالدفئ و الامان زى كده فى اى مكان تانى,,اتمنى ان عيلته المستقبليه تبقى زى العائلات هنا ,,بص لبورام و هى واقفه تساعد السيده نام و للحظات اتمنى انها تكون زوجته ,,
هدوء عم على القريه كلها اول ما دقت الساعه 10 ,,شيون نام فى اوضته لكن معرفش ينام,,كل تفكيره كانت افى اللحظات اللى جمعتهم ,,اتمنى انه يفضل هنا على طول و شكر سارى لاول مره لانها السبب فى انه يكون هنا,,,,بورام كمان معرفتش تنام طول الليل فطلعت تقعد قدام اوضتها,,,
السيده نام (فتحت باب الاوضه):لسه منمتيش يا حبيبتى,,
بورام(اتنهد و ابتسمت لها):مش عارفه انام,,
السيده نام(ضحكت):مظنش انك تعبانه ,,فى حاجه تانيه,,
بورام(سندت راسها بالحيطه):مش عارفه,,
السيده نام:اه مش عارفه,,هو شيون عامل ايه,,
بورام(اتخضت من السؤال):لليه,,
السيده نام(ضحكت):يبقى انا صح,,
بورام(ضحكت و اتكسفت):متفهمنيش غلط,,
السيده نام:لا خالص,,كفايه انى اشوفك مبسوطه,,
بورام:هو واضح اوى كده,,
السيده نام:لا بس انتى بنتى و اعرف امتى بتكونى مبسوطه و امتى الواحد بيحب,,
بورام(اتحولت تعابيرها للحزن):كلها يومين و كل حاجه تخلص,,
السيده نام(قربت منها و خدتها فى حضنها ودمعت):انا اسفه يا حبيبتى,,
بورام(دموعها نزلت منها ):عادى,,
السيده نام:بورام عيشى حياتك و متشليش هم بكره ,,
بورام:بس انا مش عايزه اكون انانيه,,
السيده نام:ساعات الواحد بيبقى لازم يكون انانى عشان يعرف يكمل فى الحياه,,و انتى ياما اديتى الناس جيه الوقت انك تاخدى ,,,
ضمتها السيده نام ليها جامد لحد ما بورام راحت فى النوم,,,
قضى شيون اليومين التانين بين الناس فى القريه لحد ما بقى واحد منهم خلاص ,,يقوم من الصبح لوحده و يقف عند بيت السيده نام مستنى بورام,,كانت بورام بتحس بالسعاده كل يوم لم بتشوفه اول حاجه الصبح لحد ما اتعودت على كده,,يبدأو يومهم بفطار سريع و يعدوا على سوهو و ايونجى يطمنوا عليهم فى الامتحانات و شيون يشجع سوهو على انه ما يفقدش الامل مع ايونجى,,بعد كده يروحوا على المزرعه و بعدها السوق و المينا هكذا كان يومهم متعب بس كله ضحك و كل لحظه كان بيقضيها شيون جنب بورام مشاعره ليها بتكبر اكتر و اكتر لحد ما اتاكده منها,,,, و هى كمان كانت حاسه باعجاب ناحيته لكنها كانت بتوقف مشاعرها و كل فرصه شيون يحاول يقرب منها,,,
جيه اليوم اللى قبل الفرح ,,
القريه كلها كانت فى فرح مش بس بيت السيده نام و الاجاشى ,,كل القريه علقوا الزينه فى كل البيوت,بيت السيده نام مكنش بيتقفل من الزيارات و الهدايا ,بورام و ايونجى كانوا مشغولين معاها طول اليوم فى عمل الفستان و تحضير كل حاجه لحفله النهارده,,,
شيون وسوهو راحو للسوق و اتولوا مهمه المشتريات كلها,,,اليوم مر بسرعه و شيون كان بيحاول يخطف كل لحظه هو فاضى فيها انها يبص على بورام و يقرب منها,,كل ما كان بيظهر قلبها كان بينط من السعاده و مقدرتش تخفى ضحكتها اللى بتطلع كل ما كانت بتشوفه ,..
بدات الحفله و الانورا اتفتحت و القريه كلها بقت منوره بالوان مبهجه ,,,خرجوا البنات و السيده نام من البيت و انضموا لبقيه القريه,,الكل قعد يرقص و البعض ياكل كل واحد مشغول بطريقه يفرح بيها,,,شيون قرب من بورام ببطئ لحد ما وقف جنبها,,
بورام بصت جنبها و ضحكت لم لقته بيبصلها فجاه,,السيده نام قربت منهم و شدتهم عشان ينضموا لناس و تقربهم من بعض اكتر بالرقص,,,
اهل القريه مع تاخر الوقت كل بداو يرجعوا بيوتهم لحد مفضلش غير السيده نام و الاجاشى اللى بيحتفلوا مع بعضهم فى احضان بعض بالرقص,,سوهو حصل ايونجى بعد ما لقا ان الفرصه جت و لو ما استغلهاش هيندم,,مفضلش حد بيرقص غير شيون و ايونجى اللى مكنش حد فيهم حاسس باللى بيحصل حواليه,,بورام حست ان الدنيا بقت هاديه و الصوت قل ,,بصت حواليها ملقتش حد خالص ,,وقفت عن الرقص و قعدت تضحك و لم شيون بص حواليه ضحك هو كمان,,,
شيون(بص على السيده ناو الاجاشى و حب يسبهم لوحدهم و يستغل الفرصه دى انه يقول لبورام عن مشاعره:انا عايز اروح البحر,,
بورام(ابتسمت):يلا,,
وصلوا للبحر و نامو على الشاطئ زى ما اتعودوا,,,
شيون:شكرا على الاجازه,,
بورام(بصتله و ابتسمت):العفو,,
شيون:انتى عارفه ايه احلى حاجه حصلتلى فى الرحله دى,,
بورام:ايه,,
شيون:انى اتعرفت على ناس جديده و حياه تانيه و تفكيرى اتغير كتير,,
بورام(تعابيرها كانت خايبه الامل):بجد,,كويس,,
شيون:وانتى,,
بورام(بصتله جامد و بلعت ريقها):ايه,,
شيون(لمس شعرها القصير و بعده عن عينها):انى اتعرفت عليكى دى احسن حاجه,,غيرتيلى نظرتى عن الحب و الناس,
بورام(وقفت بسرعه):انا هروح انام و انت كمان نام بدرى ورانا شغل كتير,,
شيون(مسك ايدها):استنى شويه,,اقعدى معايا عايز اعرفك اكتر,,
بورام:قلتلك مش لازم,,بكره اخر يوم نشوف بعض ,,
شيون:لا انا مش عايز امشى,,هدفع اكتر عايز اقعد تانى,,
بورام(مسكت هدومها بقوه ):مينفعش,,
شيون:ليه بتبعدينى عنك كل ما اقرب,انا حاسس انى معجب بيكى,,
بورام:مينفعش احنا متفقناش على كده,,
شيون:ولا انا اتفقت معاكى انى اعجب بيكى,,
بورام(وقعت على الارض و فضلت تكح):انا عايزه اروح,,
شيون(قعد جنبها و مسكها):مالك ,,
بورام(بالعافيه):مفيش,,روحنى,,
شيون شالها بين ايده و جرى بيها على البيت,,السيده نام اخدت بالها فجريت عليهم ووراها الاجاشى,,
السيده نام:مالها,,
شيون(بخوف):معرفش ..
السيده نام(شالتها منه):امشى انت,,دخلت بيها الاوضه,,,
فضل شيون مستنى قدام البيت عايز حد يخرج يطمنه عليها و يطفى نار القلق اللى جواه,,بعد فتره السيده نام خرجت من الاوضه و قفلت وراها الباب,,
شيون(جرى عليها):هى كويسه,,
السيده نام:اه متقلقش ده بس مجهود,,
شيون:معقول المجهود يعمل فيها كده,,
السيده نام:اه,,
شيون:انتى فى حاجه مخبياها عليا,,
السيده نام(ابتسمت):وانا هخبى ليه,,يلا روح نام تصبح على خير,,
بعد ما مشيت السيده نام ..فضل شيون قاعد قدام اوضتها متحركش ,,عايز يشوفها قبل ما يدخل ينام و يطمن عليها بعينه,,مع انه لسه عارفها النهارده الا انه حاسس انها جزء منه عايز يحميها و خايف عليها زى روحه,,,
دقت الساعه 12 نص الليل الدنيا كلها هاديه مفيش اى صوت فى القريه بعد ما كانت الاصوات الحيه فيها مش بتقف,,مفيش غير صوت الرياح و صوت حفيف الاشجار ,,شيون لسه فى مكانه لكن نايم و باصص على السما زى ما بيعمل دايما كل ما يكون متوتر او خايف او مبسوط,,
فجاه صوت فتح الباب قومه من مكانه,,
شيون(قرب منها):انتى كويسه,,
بورام(كحت شويه و بعد كده ابتسمت له):اه الحمد لله,,ايه اللى مصحيك لحد دلوقتى,,
شيون:معرفتس انام من القلق عليكى,,
بورام(ابتسمت):مش قلتلك متقلقش,,
شيون:ازاى ده احنا صحاب,,
بورام(بصتله بحزن):صح..تحب تتمشى,,
شيون(ابتسم):اه,,,
فضلوا الاتنين يتمشوا فى القريه كلها و شيون بيتفرج على جمالها المختلف تماما عن الصبح ,,بليل تقدر تشوف جمالها الحقيقى,,
شيون:حلوه اوى,,
بورام:عشان كده انا عايشه فيها,احلى من اى مكان فى العالم,,وهموت فيها,,
شيون:مش سقعانه,,خلع الجاكيت اللى كان لابسه و حطه عليها,,
بورام(بصتله و ابتسمت):شكرا,,و انت عايز تموت فين,,
شيون:اى مكان مع اللى بحبهم,,
بورام:ممم اجابه مقنعه بردوا,,
شيون: طول عمرى كان نفسى ابقى حر,,او اعمل الحاجه اللى بحبها,طول عمرى مجبر على عمل حاجات انا مش بحبها ,كله اوامر اوامر الاكل بامر و اللعب بامر حتى الهوايه بامر,,حياه مقيده,,نفسى,,جرى حوالين نفسه,,ابقى حر زى الطيور اعمل اللى انا عايزه اكل اللى عايزه البس اللى احبه ..زهقت من الروتين فى حياتى,,
بورام(ابتسمت له):انا حققتلك حلمك,,
شيون(ضحك لها و بص فى عينها):عشان كده قلبى دق,,لانك خلتيه حر من جديد,,
بورام(ابتسمت):نفسك فى ايه تانى,,
شيون:كفايه انا,,انتى نفسك فى ايه ,,بتحاولى تسعدى اللى حواليكى و تلبى طلباتهم لكن انتى مش نفسك فى حاجه,,
بورام:مممم,ابتسمت,,نفسى اروح الملاهى,,
شيون:سهل,,
بورام:مش اوى,,
شيون:خلاص نروحها مع بعض لو بتخافى,,
بورام:مظنش,,
شيون(مسك ايدها):متقوليش اننا مش هنتقابل تانى ,,انا عايز اشوفك تانى و مفيش قوه فى العالم هتمنعنى عن كده ...زى ما خلتينى حر تانى ,,انا هعمل اللى انت عايزه حتى لو متضايقه,,هفضل اجيلك لحد اخر يوم فى العمر,,
بورام(دموعها نزلت):يبقى قريب,,
شيون(ضحك):متقوليش كده,,
بورام:انت ليه مش عايز تفهم اننا مش هينفع نشوف بعض تانى,,مسالتش نفسك انا ايه اللى مخلينى متمسكه بالمكان هنا و مش عايشه فى بلدى,,
شيون(لمس خدها):كنت عايز اعرف كل حاجه عنك بس انتى اللى بتمنعينى,,
بورام(شالت ايده):كويس انك مسالتش,,انا همشى,,
شيون(شدها ليه بقوه ,قرب منها و طبع على شفايفها قبله رقيقه):انا بحبك,,
بورام(بعدت عنه و دموعها نزلت):ابعد عنى,,
شيون:انتى كمان بتحبينى ,,جاوبينى,,
بورام:انا عايزه امشى,,صرخت ,,ابعد,,
شيون(بيحاول يقربلها عشان يهديها):اهدى,,
بورام:ابعد بقولك,,
شيون(قربلها بهدوء و اخدها فى حضنه):انا اسف,,
بورام(ضربته على كتفه):غبى,غبى,غبى,, بحبك,,
شيون(ضحك و ربت على راسها):خلاص اهدى,,يا مجنونه,,
لكن بورام مبطلتش عياط بصوت عالى لدرجه ان شيون حس ان فى حاجه غلط,,فضل مخليها فى حضنه لحد ما نامت بين دراعه ,,شالها و روحها لحد البيت دخلها الاوضه ,,,
خرج كان قلبه بيطير من الفرحه اينعم كل حاجه حصلت بسرعه لكنه كان مبسوط جدا زى كانها فى حلم و مش عايز يصحى منه,,,
تانى يوم ابتدى مع صياح الديك ,,شيون نط من مكانه و قام غير هدومه كلها و جهز نفسه و راح عندها زى كل يوم قدام البيت واقف مبتسم,,,
طلعت من الاوضه و اول ما شافته ضحكت على منظره,,
بورام:انت لابس شرابين مختلفين,,
شيون:اه .ضحك,,اسف من استعجالى,,
بورام:نمت كويس,,
شيون(بحماس):اوى,,
بورام(ضحكت):وانا كمان,,يلا بينا,,
شيون:يلا,,استنى,,قرب منها و قبلها فى خدها,,صباح الخير,,
بورام(عضت على شفايفها و وشها احمر):يلا بينا,,
وصلوا للمزرعه اللى المفروض ينضفوها النهارده للفرح,,لقوا سوهو و اوينجى مع بعض بيتخانقوا,,
شيون:فى ايه ,,
ايونجى:غبى,,مشيت و سابتهم ,,
بورام:مالها,,
سوهو(بيضحك و بيلعب فى شعره):مفيش بتقولى البس النضاره تانى عشان بتغير عليا,,قعد يضحك,,
شيون:اووووه,,حصل ايه امبارح,
سوهو:دخلت بقلب ميت و قولتلها ايونجى انا بحبك,,
بورام:ها قالتلك ايه,,
سوهو(بتعبير ممل):عارفه,,
شيون(ضحك):ايه الفضايح دى,,بعدين,,
سوهو:بس افتكرت انى بوظت الدنيا و كده اقول على علاقتنا سلام,,لقيتها بتعيط و بتقولى بسببك قابلت ولاد كتير لحد ما المدرسه بقوا يقولوا عليا مش كويسه كل ده عشان الفت نظرك و تتحرك يا بارد,,و شتمت اكتر,,بعد كده قالتلى,,ضحك,,بحبك ,,ضحك اكتر,,
بورام:ماشى يا عم,,مبروك,,
شيون:طب مستنى ايه روح وراها,,
سوهو:اه صح,,معلش بقى هرجع تانى,,
سوهو جرى ورا ايونجى و هم قعدوا يضحكوا عليهم و بعد كده عيونهم وقعوا على بعض ,,بصوا لبعض و ابتسموا و بعدها بورام رمت عليه تراب من الارض,,شيون مسك كمان تراب و رماها عليها و فضلوا يلعبوا لحد ما سوهو و ايونجى رجعوا لاقوهم واقعين على الارض حاضنين بعض و بيضحكوا,,ايونجى و سوهو بصوا لبعض و ضحكوا و دخلوا يكملوا لعب معاهم,,,
قضوا معظم الوقت فى اللعب و الباقى تنضيف,,البنات راحوا جابوا عصير ليهم قعدوا يشربوا و بعد كده سوهو و شيون شالوهم ورا ضهرهم و اتسابقوا مع بعض بالجرى,,,
فضلوا يضحكوا على تصرفاتهم ,,حست بورام انها حيه من جديد و شيون كانه طير فعلا حر ,,,,من بعيد كان بيراقبهم الاجاشى كيم و هو بيضحك ,,عيون بورام وقعت عليه فبصتله و ضحكت و هو ضحكلها,,,
بعد ما خلصوا تنضيف رتبوا المكان و حطوا الكراسى فى ترتيب ,,و الرجاله جابوا الخشب لعمل المسرح اللى هيقف عليه العروسين ,,
البنات راحت لبيت السيده نام,,اللى كانت متوتره جدا و عماله تزعق عشان تخرج توترها,,لكن ايونجى و بورام هدوها و اقنعوها انها متتعصبش عشان تكون حلوه و المكياج ما يبوظش,,,
فى بيت الاجاشى كيم شيون خرج ازازه العطر اللى معاه من امريكا و اديهالوه هديه ,,الاجاشى اخدها و غرق نفسه بيها,,سوهو ظبطله البدله ,,و بعد كده اخد شيون و راحوا يلبسوا,,,
كل القريه جهزت نفسها و اتجهوا لمكان الفرح,,,
الموسيقى اشتغلت و الكل بيرقص من الفرح و بيصقف على الاغانى,,
شيون وقف قدام بورام اللى كانت قدامه زى الاميره بفستانها الابيض و مد ايده ليها عشان ترقص معاه,,مسكت ايده و قلبها متوتر لكنها مبسوطه,,
وقفوا وسط اللى بيرقصوا و بداو معاهم,,سوهو راح لايونجى و مد ايده ليها ,,ضحكت بطبيعتها و مسكت ايده بسرعه ,,سوهو ضحك عليها و وقفوا جنب شيون و بورام,,
كل القريه بداو يرقصوا رقصه جماعيه و بعد كده كل اتنين رقصوا على اغنيه هاديه,,شيون حط ايده على خصر بورام و هى مسكت ايده ,,بصتله و ابتسمت و بداو الرقص,,كانهم بيرقصوا على قطعه سحاب مفيش حد معاهم او حواليهم ,,كل واحد فيهم بيشكر الفرصه اللى جمعتهم ببعض من جواهم,,,
جيه معاد العروسين ان جوازهم يبقى قدام الناس و يعيشوا الباقى من عمرهم مع بعض اخيرا,,اعلن المسؤل عن الزواج انهم بقوا زوجين قدام الناس و قدام ربنا لاخر العمر,,بكى الاجاشى و السيده كيم اول ما سمعوا الجمله , قربوا من بعض وقبلها,,,,
بورام فضلت بصالهم و دموعها موقفتش للحظه ,,شيون لاحظ دموعها فمسك ايدها ,بصتله و ابتسمت,قرب منهما و قبلها,,
شيون:بحبك,,
بورام:وانا... كل حاجه سكتت للحظه و كان الدنيا وقفت قدامها ,فجاه وقعت على الارض و هى بتحاول تاخد نفسها و ماسكه هدومها بتشدها جامد,,,
شيون شالها بسرعه و قعد يصرخ "فين المستشفى",,الاجاشى كيم جرى ناحيته بسرعه و أدلوا على طريق العربيه ,,ركب العربيه بسرعه معاه ايونجى و سوهو الاجاشى,,و بقيه القريه حصلتهم ,,
طول الطريق كان بيبص عليها من مرايه العربيه و دموعه موقفتش ,,كان بيسوق العربيه زى المجنون عايز اللحظه دى تخلص باى طريقه و ترجع تضحك تانى قدامه,,,
دخل المستشفى وهو شايلها بين ايديه و بيصرخ اى حد يجى يشوفها بسرعه,,جريوا الممرضين عليه و اخدوها منه ,حطوها على سرير الطوارئ و ركبوا جهاز التنفس حوالين راسها,,طلبوا من شيون و الباقى انهم يستنوا برا لحد ما تفوق و بعدين يدخلوا,,,
شيون مقعدش للحظه فضل رايح جاى متوتر جدا و الخوف هيقتله ,,ايده زى التلج و عينه رايحه جايه على الباب مستنى اى حد يطلع يطمنه,,
الاجاشى كيم(حط ايده على كتفه):شيون عايزك,,
شيون:حاضر,,راح معاه للكافيتريا,,
الاجاشى:انت عارف بورام قاعده معانا ليه,,
شيون:لا,
الاجاشى:بورام عندها سرطان الرئه مرحله متاخره جدا,,
شيون(محسش بدموعه اللى نزلت):ايه,,
الاجاشى:اتشخصت من ست سنين و كانت بتاخد الكيماوي لحد ما حست ان مفيش امل و بطلته,,عشان كده شعرها قصير,,والدها صاحب شركه الحديد فى كوريا,,هى بنتهم الوحيده و الدكاتره وصوا انها تعيش فى قريه مفيهاش تلوث يعنى بعيده عن المدينه او اى مصانع على قد ما يقدروا,,
علشان كده هى هنا لاننا زى ما انت شايف بلد مش على الخريطه اصلا,,انا الوحيد فى القريه اللى كنت اعرف الموضوع ده و اعرف كمان سبب وجودك هنا,,يوم ما كانوا جايين يستقروا هنا العربيه اتقلبت بيهم,,مفضلتش غير بورام ,,اهلها اقنعوها انها ترجع سيول و تعيش معاهم الا انها رفضت عشان قبروالديها قريب من هنا و كمان اهل القريه هنا حبوها جدا و حست انها فرد منهم ده غير ان صحتها اتحسنت شويه و مبقتش تتعب بسرعه زى الاول,,,من سنه المرض اشتد عليها تانى و راحت لدكتور فى سيول ,,اكد لها انها,,دمع,,هتموت قريب,,اوى,,فقررت انها تصلح من الشباب اللى زيها بعد ما شافت حال البلد و الظلم اللى احنا فيه,,فشلت فى اقناع صحابها حتى لحد ما يأست ,,معرفش ايه سبب اختيارها ليك لكنك كنت اول تجربه ليها فى خطتها الجديده,,
انا اسف انى اقولك كده بس انت لازم تعرف عشان متوصلش لحالتنا احنا اتعلقنا بيها و الله اعلم هنتصرف ازاى لو حصلها حاجه ,,بس انت حاول تنسى و امشى,,,
شيون(مسح دموعه):انا لا يمكن اسيبها ,,انا فعلا بحبها و انت علقتنى بيها دلوقتى اكتر,,و هحارب الدنيا عشان اشوف حل لعلاجها,,,
الاجاشى(مسك ايده):اسف يا ابنى,,مفيش حل,,,شيون حط راسه على ايده و قعد يعيط,,,
بعد فتره الممرضه طلعت و قالتلهم ان الزياره مسموحه,,
كل القريه دخلت حتى الاوضه بقت متكدسه و الممرضين حاولوا يخرجوهم ,,صرخوا فيهم لحد ما اقنعوهم انهم يزوروها مره تانيه على فترات,,,
مفضلش معاها غير سوهو و ايونجى و شيون,,
سوهو معرفش يبطل عياط اول ما بورام فتحت عينها و بصتله و ابتسمت,,ايونجى اخدته فى حضنها و قعدت تطبطب عليه ,,,
بورام(بصوت تعبان):فى ايه يا كلبوبى ,,اوماال مين اللى هيخلى باله منى,,
سوهو(مسح دموعه):انا,,
ايونجى:اونى انتى كويسه,,
بورام:زى الفل,,بصت لشيون اللى كان واقف اخر الاوضه و بيعض فى ايده و بيعيط,,شاورتله و هى بتعيط,,
شيون:غبيه,,
بورام(فتحت دراعها):ممكن تحضنى,,قرب منها و حضنها بخفه ,,قعدت تطبطب على راسه زى الطفل الصغير و هو بيعيط ,,
سوهو شاور لايونجى و خرجوا,,
شيون(قعد جنبها):ليه مقلتليش,,
بورام:اسفه,,الاجاشى حكالك,,
شيون:اه,,
بورام:قالك انا اخترتك ليه,,
شيون:لا,,
بورام:علشان معجبه بيك,,
شيون(ضحك):ايه اللى بتقوليه ,,
بورام:مش مصدقنى,,انا اعرفك من قبل ما انت تعرفنى بكتير اوى,,
شيون:ازاى,,
بورام:من ست سنين قبل ما اتشخص ,,بابا كان مدبرلى معاد مع والدك مع انى كنت رافضه الفكره بس لم عرفت انه انت قبلت,,على طول كنت بسمع انك شخص طيب و مجتهد فى شغلك و ووالدك فخور بيك,,قبل الموعد جاتلى فكره مجنونه العب دور المتحريه فضلت اراقبك فى كل حركاتك كنت تقريبا الرجل الممتاز,,قلبى لاول مره كان يدق لحد كان ليك,,ويوم الموعد وقفت قدام المرايه ساعتين لاول مره,ضحكت,عشانك,,لكن تعبت و رحت للدكتور,,و فكرت انه انانيه منى انى اربطك مع شخص مريض,,
شيون(قبل ايديها):لو بأيدى اعيد الزمن هعمل المستحيل علشان اكون معاكى,,
بورام:شيون,,اوعدنى انك تحافظ على خطتى حتى بعد ما اموت,,
شيون(دموعه نزلت):متقوليش كده احنا هنحقق كل حاجه مع بعض ,,انتى قويه اقوى انسانه شفتها,,ارجوك خليكى معايا,,
بورام ابتسمت له و بعدها غمضت عينيها و راحت فى النوم ,,الساعه اعلنت الوقت منتصف الليل ,,بورام فتحت عينيها وقعدت تدور عليه,,شيون حس بانها صحيت فقرب منها بسرعه,,
شيون(قبل ايديها):حبيبتى محتاجه حاجه,,
بورام(دموعها نزلت):خلاص مفيش وقت,,
شيون(سمع الجمله دى و مقدرش يسيطر على نفسه من العياط):انادى الدكتور,,
بورام(بصوت تعبان):لا..انا عايزه اروح البحر,,
شيون:دلوقتى,,
بورام:اه,,
شيون(مسح دموعوه):حاضر,,فتح باب الاوضه و بص يمين و شمال ملقاش حد ,,شالها على ضهره و وخرج بيها بسرعه من غير ما حد ياخد باله,,
لف بيها القريه كلها زى ما طلبت منه اول ما خرجوا من المستشفى ,,بقت تتفرج على بيت و كل منطقه زى كانها بتودعها,,حس شيون بكل دمعه نزلت منها و كانها بتنزل على كتفه و تقتله,,وصلوا لحد البحر و قعدوا مع بعض زى اول مره نايمين على الشاطئ و باصين للسما,,شيون مسك ايديها جامد كان خايف اان الوقت يجرى و تضيع منه,,
بورام:نفسى الوقت يقف على طول و نفضل مع بعض,,
شيون:و انا كمان,,
بورام:توعدنى انك هتساعد الناس هنا حتى بعد ما اموت,,
شيون(دموعه نزلت و صوت انين عياطه بقى اعلى):اوعدك,,
بورام:بحبك,,
شيون(بصلها و دموعه موقفتش ,عض على شفايفه و هو بيبص لها للمره الاخيره,مد ايده و لمس وشها و قرب منها براسه و قبلها على خدها للمره الاخييره):بحبك,,شكرا,,,,,,,,
بعد خمس سنين,,,,
شيون عرف حقيقه سارى و خطتها على الاستيلاء على الشركه ,,رفع عليها قضيه و غير نظام الشركه تمام و بقى مصلحته مصلحه الفقرا اولا,,رجع تانى لسوسان و غير المدينه خالص و بقت احلى من سيول وو السياحه فيها بقت دايمه,,ايونهيوك بقى مدير الشركه و سوهو بقى صاحب شركه السياحه فى سوسان,,منساش وعده لبورام و قدم حمله توعيه ضد الشركات الاضطهاديه و للدفاع عن الفقرا,,,,,,,,
شيون(على التليفون):خلاص جاى حاضر مش هتاخر ,,هو انا اقدر اتاخر على فرح اخويا,,خلاص يا سوهو متبقاش زنان,,ضحك,,ماشى سلام,,
قفل الموبايل و حطه فى جيبه ,,بص قدامه و لقى بنت قصيره بشعر اسود طويل وقفه بتعيط,,
قرب منها و سمعها و هى بتتكلم مع صاحبتها بتقولها انها انفصلت,,,ضحك من وراها و وقف قدامها,,
شيون(طلع ورقه من جيبه):واضح ان مزاجك وحش,,,تحبى تزورى سوسان؟؟؟
.. النهاية ..
ليست هناك تعليقات:
إرسال تعليق