♥ 7 Years Of Luv
سبـــع سنــوات
مـن الحـب ♥
كيوهيون كأنه حد ضربه
بسكين و بصدمة وقلبه نار : كانغ ها سو ؟؟
كيوهيون بصدمة
: كانغ ها سو ؟؟
ها سو ببرود : نيـه ؟ مين
كانغ ها سو ؟
كيوهيون بحرقة : انتي كانغ ها
سو ماهيك ؟
ها سو قلبها والع نار
بس بتبتسم : شكلك مشبه علي كيوهيون شي .. أنا
الفنانة الجديدة بالشركة هون واسمي جاسمين ^^
كيوهيون وكأنه حدا كب
جردل مي عليه : نيــــــــــــه ؟ أكييد عم تمزحي ..
انتي ها سو وعم تضحكي علي صح ؟
جاسمين بابتسامة : لأ مالي ها سو
.. أنا الفنانة الجديدة حتى اسأل الكل هون رح يقولولك اني جاسمين .. اووهـ وبكرة
رح ينزل ألبومي وفيديو كليبي بتمنى تتابعهم وتدعمني وأنا رح اعطيك سي دي مخصوص
لالك ^^
مدير أعمال جاسمين : جاسمين شي يلا
يلا محتاجينك امشي..
مدير أعمال جاسمين
بابتسامة : اووهـ كيوهيون شي مرحبا ^^
كيوهيون بارتباك
: نيـه أهليين..
مدير أعمال جاسمين : معلش بعتذر
منكم بس عنا شغل ولازم نعمله ضروري هلأ مع جاسمين ^^
كيوهيون متوتر : اه اراسو مافي
مشاكل..
جاسمين بابتسامة : فرصة سعيدة
كيوهيون شي .. بالمناسبة أنا من أكبر المعجبين بسوبر جونيور ^^
كيوهيون بابتسامة
مصطنعة : نيـــــه شكرًا لالك وبالتوفيق ..
كيوهيون لنفسه بقلق
وصدمة : مو معقول الشبه بيناتهم .. أنا بعرف
ها سو منيح ومستحيل اغشم عنها أبدًا .. حتى أصواتهم متشابهة .. مستحيل مستحيل يكون
هالقد الشبه بين شخصين .. بس هي اسمها جاسمين ومدير أعمالها بيناديها هيك كمان ..
اسمها أجنبي بس شو ممكن يكون اسمها الكوري الحقيقي ؟ معقول تكون هي نفسها ها سو ؟
لا لا .. بس ها سو ولا مرة زكرتلي انو حلمها تصير مغنية أو مشهورة .. ها سو حبيبتي
مو هيك أبدًا .. هي وحدة تانية اسمها جاسمين مو ها سو.. بس الشبه الي بيناتهم رح
يقتلني !
سيوهيون بتنادي : كيوهيون اوبا
..
كيوهيون بيتنبه عليها
وبيطلع فيها : اووهـ سيوهيون ..
سيوهيون بتمسك ايده
وبدلع : اوبا بشو كنت سرحان ؟ صرلي ساعة عم
نادي علييك..
كيوهيون بيبتسملها : لا بس كنت عم
فكر بشي خطر عبالي .. اووهـ سيوهيون اشتقتلك ما اشتقتيلي ؟
سيوهيون بتتقل عليه : لأ ما اشتقتلك
ما انا كل يوم بشوفك ..
كيوهيون ببوز : معناته مافي
حضن اليوم ولا بوسة حتى يلا..
سيوهيون بتتشعبط
بايده وبتتدلع : لا لا حياتي والله اشتقتلك كتييير
كتييييير .. قلبي ماعاد يتحمل بعادك عني..
ها سو لنفسها بقهر
وبقلب مكسور : اوبا شو شكلك مبسوط كتير معها لـ
سيوهيون وظهوري فجأة قدامك ما أثر عليك ولو حتى شوي ؟ عنجد نسيتني لهالدرجة هي
اوبا ؟ أنا الغبية الي لساتني عم حبك بس وماعم شيلك من راسي أبدًا بس مارح اتركك
بحالك بنوب لحتى آخد حقي منك .. ومابمانع أبدًا اني رجعك لحضني مرة تانية.. :(
دونغ هي وعيونه مطلعة
قلوب : ياويــــــــــــــــل
قلبـــــــــــبي أنا ولك وين كنتي مخباية من زمان ؟ أنا لازم صاحبها لازم لازم
لازم..
شيون بيزقه من جنبه وببوز
: هادا ازا ماصاحبتها أنا قبلك ياحبيبي.. أنا جنتل وغني وبجنن
عطول رح وقعها بلا شك ..
سونغ مين بينط
بيناتهم : خف علينا انت وهو .. أنا أكتر واحد
بلبقلها لانها باينة بنوتة كيوت متلي ورح نتأقلم على بعض ونصير أحلى كوبل ^^
كيوهيون بيصرخ بعصبية
: خلـــــــــــــــص بكفــــــــــــــي !
لي توك بقلق : كيونا انت منيح ؟ شو
في ؟
جاسمين بابتسامة : اووهـ كيوهيون
شي ^^
كيوهيون بجدية : شو في ؟
جاسمين بتمد عليه سي
دي : اتفضل متل ماوعدتك السي دي الخاص فيني جيت مخصوص لاعطيك اياه
^^
كيوهيون بياخد السي
دي : اووهـ شكرًا لالك..
جاسمين بتبتسمله : بتمنى منك
تدعمني وتوقف جنبي ^^
كيوهيون بجدية : نيــــه
أكييد..
جاسمين بترجع شعرها
ورا ودنها : مممم بدي فوت وسلم على باقي أعضاء
السوبر جونيور فينك تيجي معي لانو هي أول مرة بقابلهم كلهم وجها لوجه..
كيوهيون بهدوء : اووهـ أكييد
اتفضلي..
جاسمين بابتسامة : مرحبا شباب ^^
كلهم مبسوطين بشوفتها
: اووووووووهـ أهلا أهلا وسهلا بفنانتنا الجديدة ^^
لي توك بينادي عليهم : يلا يلا وقفوا جنب
بعض نعرف جاسمين شي علينا..
لي توك بانشكاح : اوري شوبو
جونيو ..
كل أعضاء سوبر جونيور
مع كفة ايدهم المفتوحة : اويويو.. ^^
جاسمين بتنتحنيلهم
وبابتسامة : وأنا جاسمين الفنانة الجديدة بالشركة
^^ تشرفت فيكم ..
لي توك بيبتسملها : بتمنى تنبسطي
معنا واعتبرينا من هلأ ورايح كلنا اوباتك ورح نساعدك بشو مابدك بس انتي قولي ورح
تلاقينا على طول بالخدمة ^^
جاسمين بتفرح من
قلبها : وآآآآهـ عنجد شكرًا كتير لي توك اوبا
والله بعرفكم مابتقصروا أبدًا ^^
دونغ هي بينط قدامها
بابتسامة : بتمنى نكون رفقة جاسمين ^^
جاسمين بتفرح بشوفة
دونغ هي : وآآآآآآآآهـ دونغ هي اوبا أكييد رح
نكون رفقة انت بتجنن ^^
شيون بيحط ايده على كتف
جاسمين : وأنا شوو -_- ؟
جاسمين بتطلع فيه
بابتسامة : انت شيون اوبا الجنتل ^^
شيون بكل ثقة وغرور : احم احم احم..
دونغ هي بيزق شيون عن
جاسمين : بس أنا اوباتك المفضل بالفرقة ماهيك
^^ ؟
جاسمين بكل فرح : اووهـ انت
المفضل بنسبة لالي دونغ هي اوبا ^^
كيوهيون فرحان : حياتي
باركيلي قبلوني وعينوني فنان رسمي بالشركة ورح كون العضو ال 13 بفرقة سوبر جونيور ..
ها سو بحماس : واااو فرقة
سوبر جونيور ؟ حلو كتير اوبا تشوكاهيــه فايتينغ ^^ سلملي ع دونغ هي اوباXD
كيوهيون ببوز : تعي سلمي عليه
لحالك -_- ) "
كيوهيون لنفسه : مو معقول
يكونوا متشابهين بهي كمان !! ها سو كانت تفضل دونغ هي وجاسمين كمان .. بس انو
بتصير عادي ..
دونغ هي بينكز
كيوهيون من كتفه : يا كيونا ! مادخلني هات السي دي يلي
بايدك..
كيوهيون ببوز : بـــــــووهـ ؟
دونغ هي ببوز شبرين
ومتل الأطفال : هالسي دي لجاسمين وأنا اوباتها المفضل
يعني السي دي هادا المفروض يكون لالي..
كيوهيون بنص عين : اجري اجري هاد
لالي من جاسمين شي .. روح اشتريلك واحد تاني..
جاسمين بتضحك عليهم : دونغ هي اوبا خلص
الك مني سي دي وبوستر كمان ^^
دونغ هي بيداعب
شعراتها : انتي بتجنني أصلاً ^^
جاسمين بتبتسم : أنا صار لازم
روح هلأ تشرفت كتير بمعرفتكم اوباتي وبتمنى نتعرف أكتر عبعض مع الأيام ^^
كيوهيون بيطلع
بجاسمين بابتسامة : ها جاسمين كيف لاقيتي الوضع هلأ
اتأقلمتي عالشهرة والنجومية ؟
جاسمين بتشبك صوابعها
ببعضهم : ممم بصراحة كنت خايفة بالأول بس انو
هالشي كتير حلو انو تكسب محبة الناس وتقربهم لالك عن طريق أغانيك ..
كيوهيون بياخد رشفة
من النسكافيه وبيمسك الكوباية بايده : كان حلمي من
أنا وصغير اني كون فنان مشهور لحتى قدم للناس الحب والدفى بصوتي وفعلاً قدرت اعمل
هالشي ..
كيوهيون بيرفع راسه
وبيطلع بالسما : شفتي الشمس كيف عالية بالسما وبتعطي
النور والدفى للكل ؟
" ها سو بترفع راسها
وبتطلع بالسما "
كيوهيون بينزل راسه
وبيطلع بها سو وبيبتسم : متل الشمس بدي كون
نجم عالي وقدم للناس الدفى والحب بصوتي :) ) ..
كيوهيون بينكز جاسمين
من كتفها : جاسمين انتي معي ؟ وين سرحتي ؟
جاسمين بتطلع فيه
وبابتسامة : اووهـ اوبا معك .. بس زكرتني بانسان
كان قريب مني كتير وكان حلمه متل حلمك بالزبط..
كيوهيون باهتمام : بتسائل مين هو
؟
جاسمين بتطلع بوجه
كيوهيون بجدية : انسان حبيته من كل قلبي ..
كيوهيون بيرتبك من
نظرتها وقلبه بيولع وقتها وباهتمام : وياترى قدر
يحقق حلمه ؟
جاسمين بتاخد رشفة من
النسكافيه وبتطلع بوجه كيوهيون : اووهـ وصار نجم
كبير ومشهور والكل الناس بتحبه لدرجة انه بعد ونسي أحبابه من ورا نجوميته..
جاسمين بتطلع
بكيوهيون : اوبا شو في ؟؟
كيوهيون بيوعى على
حاله وبيشيل المنديل عن وشها : اووهـ كان معلم
نسكافيه على وشك فقلت امسحلك اياه .. آسف ازا ضايقتك..
جاسمين بتبسمله : لأ مافي مشاكل
اوبا .. أصلاً أنا كل ما اشرب نسكافيه لازم يصير هالشي معي مو معقول عنجد احراج..
كيوهيون بيضحك من
قلبه : اووهـ لساتك طفلة صغيرة..
جاسمين لنفسها وقلبها
نار : لساتني طفلة بالنسبة لالك اوبا ؟
كيوهيون لنفسه وقلبه
نار : معقول التشابه بأدق التفاصيل بيناتهم كمان ؟ أنا ماعم أمسك
حالي قدامها وعم عاملها متل ماكنت بعامل ها سو بالزبط حتى نفس العبارات عم تطلع
معي بس حاكيها.. لأ رح يجن جنوني .. للحظات بتمنى انها تكون هي بس..
مدربة الرقص بابتسامة
: شو بشوف كيوهيون هون كمان ؟
كيوهيون حاطط ايده
على رقبته : اووهـ كان عندي وقت فراغ وحبيت آجي
واتفرج..
مدربة الرقص بتضحكله
: أي بعرفك بتحب على طول تتفرج على رقصات الثنائيات..
جاسمين بتطلع بكيوهيون
: اووهـ اوبا عنجد ؟؟
كيوهيون بيضحك : اووهـ عنجد ..
على طول باجي وبتفرج عليها بس تدرب أي ثنائي على رقصة..
مدربة الرقص بتصفق
صفقتين بايديها : اوكي لكان بلا مانضيع
وقت ويلا على التدريب جاسمين وقفي مع الدانسر ..
مدربة الرقص بتعصب
عالدانسر : لك لأ مو هيك .. قلتلك حط ايديك على
خصرها ياعمي على خصرها مو على بطنها .. وقرب منها أكتر مو معقول وكأنك أول مرة
بترقص !!
الدانسر : اراسو اراسو
بعتذر ..
مدربة الرقص : ايوة ايوة برافو
هيك .. وقرب وشك من رقبتها .. وجاسمين حطي ايديكي فوق ايديه وحركي خصرك بطريقة
مثيرة ونزلي ايديه من خصرك على رجليكي لعند ركبتك .. وبعدها بتكشي ايديه عنك
وبتطلعي فيه بنظرات مثيرة وبتمشي من عنده وكأنك ولا مهتميتلو..
كيوهيون بيقوم وبيروح
لعندهم وبيوقف جنب المدربة : برأيي هيك
الحركات كتير اوفر..
مدربة الرقص بتطلع
فيه : اوفر ؟ لك هاد ولا شي .. هم ماعملوا شي لسه
.. بعدين أنا بحاول اختارلهم حركات بسيطة لحتى سهل الأمر على جاسمين بما انها اول
مرة لالها بهيك نوع من الرقص.. شووف خطرت عبالي فكرة !
كيوهيون : شو هي ؟؟
مدربة الرقص بابتسامة
: بما انو جاسمين رح تقدم أول مرة رقص من هالنوع فأنا برأيي لازم
نخليها تلفت الانتباه بطريقة كبيرة فشو رايك كيوهيون انت تشاركها بهالعرض وتأدي
معها الرقصة ؟
كيوهيون بيطلع فيها
بصدمة : نيــــــــــــه ؟ أنا ؟
جاسمين بتنط وبتمسك
كيوهيون من دراعه وبكواتة : أي أي أي أي
أنا موافقة اوبا بليييييييز وافق .. هيك رح كون مرتاحة أكتر بالرقصة وعلى المسرح
بوجود أقرب الناس لالي معي..
كيوهيون بيضعف قدام
جاذبية جاسمين وكواتتها : ههههـ اراسو
اراسو بس هالشي مو بايدي لحتى أنا وافق .. الموضوع بايد مستر لي سو مان..
مدربة الرقص : فينا نسأل مستر
لي سو مان وهو بيقرر ازا فينك تشارك مع جاسمين بالعرض أو لأ..
جاسمين ماسكة بايد
كيوهيون وبتنط من الفرحة : هييييييييييييييييه
رح تقدم العرض معي اوبا يس يس يس ^^
كيوهيون بيضحك عليها
من قلبه : كل هالقد مبسوطة لانو رح شارك معك ^^
؟
مدربة الرقصة بتصفق
صفقتين بايديها : يلا ياحلوين خلونا ندربكم لكان مافي
وقت .. بتهيألي كيوهيون شفت أغلب الحركات الي اتدربت عليهم جاسمين مع الدانسر وصار
عندك فكرة عن الرقصة .. وجاسمين اتدربت على الحركات ومارح نتغلب كتير وهيك
رح يسهل عليكم التدريب..
مدربة الرقص بتحرك
راسها يمين وشمال بعصبية : تؤ تؤ ..لك
كيونا شو بيك ليش ماعم تزبط هالحركة ؟ يعني زبطت كل الحركات واجت عالحركة النهائية
؟ كل يلي رح تعمله انك رح تمسكها من ايدها وتدورها وتشدها ناحيتك لحتى تكون
تقريبًا بحضنك وتمسكها من ضهرها وتقرب شفافك من شفايفها مارح تبوسها لا تخاف..بس
رح توهم الناس بانك رح تبوسها عن طريق مقاربة شفايفكم من بعض بس مو أكتر..
جاسمين بتطلع فيه
ببوز : لك اوبا مو معقول .. ماشي أنا رح
أعملها وسهلها علييك..
مدربة الرقص بتصفق
بحماس : برافو برافو برافو جاسمين تلميذة
رائعة من أول مرة بتتعلم على طول .. كيوهيون شفت شو سهلة ليش معقدها هالقد ؟؟
كيوهيون بيطلع
بالمدربة وبتوتر : بس انو هي أول مرة بالنسبة لالي برقص
هيك رقص وبعدين جاسمين رفيقة مقربة لالي فهالشي كان غريب شوي ..
جاسمين بتضحك : بالعكس اوبا
لاني بعرفك ارتحت كتير بالرقصة وأبدعت ^^
جاسمين بتبتسم بنصر
ولنفسها : اوبا دبت بس من مجرد تدريب .. بالحفلة
بس تشوفني بالفستان الي رح البسه للعرض شو رح يصير فييك ؟؟!
كيوهيون حاطط ايده
فوق راسه ولنفسه : مابعمري شفت ها سو بكل هالأنوثة هي من
قبل لكني شفت كل هالأنوثة والجاذبية بجاسمين .. ها سو بريئة وبسيطة انما جاسمين
مليئة بالجاذبية والاثارة .. لازم يوم الحفل فرجيها شي تاني واصدمها ..
كيوهيون لنفسه وعيونه
بعيونها بكل جاذبية : ماكنتي متوقعة
تيجي مني كل هالجرأة ماهييك ؟ بس انتي طالعة كتير جذابة اليوم وأكتر اثارة هالشي
دفعني وخلاني أصر اني أعمل هالشي بزيادة..
جاسمين لنفسها وبتطلع
فيه بلهفة : اوبا كييف ؟ من وين طلعت بكل هالجرأة
هي ؟
لي سونغ جي : جاسمين شي..
جاسمين بابتسامة : نيــــــــه
سونغ جي اوبا ^^
لي سونغ جي بيتبسملها
: أنا مبسوط كتير لانو عنا كل هالجمال بالاستديو اليوم ^^
جاسمين بتخجل
وبيحمروا خدودها وبتضحك : آه نيــه شكرًا
سونغ جي اوبا ..
كانغ هو دونغ بيضرب
لي سونغ جي على كتفه بخفة : ياااااااا
معجبينها هلأ رح يقتلوك عالأكيد..
لي سونغ جي بيضحك
: ما أنا من معجبينها أساسًا ..
تشانغ مين بيضحك : اوووووووهـ شو
رأيك تواعدها لكان ؟؟
لي سونغ جي بيضحك
وبيخجل : اووهـ مابمانع أبدًا ..
كانغ هو دونغ بيتمسخر
: أي بس لازم نسألها هي بالأول ازا بيعجبها سونغ جي شي ..شو
رأيك جاسمين شي بيعجبك وبتقبلي تواعديه ؟
جاسمين بتنحرج وبتضحك
: لأ ..
تيكيون بيتمسخر : هاهاهاها أكيد
جاسمين بنت حلوة مارح تواعد واحد معفن ..
لي سونغ جي ببوز : يا ! اوهـ
تيكيون -_-
جاسمين بتهز راسها
يمين وشمال : لا لا سونغ جي اوبا وسيم وأمور .. ^^
لي سونغ جي بيطلع
بجاسمين باحباط : هييك رفضتيني قدام كوريا كلها اهئ
اهئ..
جاسمين بتبتسم : آسفة اوبا بس
انت مو ستايلي ^^
كانغ هو دونغ بيطلع
بجاسمين : جاسمين شي .. خليني اسألك سؤال لكان..
جاسمين بابتسامة : نيــــه
اتفضل..
كانغ هو دونغ بجدية
: هلأ الكل ملاحظ علاقتك القوية بفرقة سوبر
جونيور وقديشكم رفقة وقريبين من بعض..
كيوهيون بيعدل قعدته
: احم احم..
كانغ هو دونغ بيطلع
بكيوهيون وبيتمسخر : كيوهيون شي
انبسط لانو جبنا سيرة فرقته بالموضوع..
كيوهيون بثقة : طبعًا ولو هي
فرقتي ..
كانغ هو دونغ بيطلع
بجاسمين : نيـه نرجع لجاسمين شي..
جاسمين بتطلع
بكيوهيون وبترجع تطلع بكانغ هو دونغ : نيـــــه ^^
كانغ هو دونغ : فينك تخبرينا
مين أكتر واحد بيعجبك من بين أعضاء فرقة سوبر جونيور يعني بتشوفي فيه الرجل
المثالي ؟
لي سونغ جي بيمزح
وبيطلع بكيوهيون : مارح تكون حلوة بحق كيوهيون ازا ماحكت
اسمه وهو موجود هون..
كانغ هو دونغ باصرار
: عم نستنى جوابك جاسمين شي..
جاسمين محرجة : آآآآآآآهـ
جينجا كيف فيني جاوب >< ؟!
لي سونغ جي بيتمسخر
: كيوهيون شي غمض عيونك خلي جاسمين شي تعرف
تحكي..
كيوهيون بيغمض عيونه
على سبيل المزاح : أي ليكني غمضت قولي جاسمين.. عارف انو
دونغ هي..
جاسمين بتخبطه على
كتفه بخفة وبتضحك : اووووبا !
كلهم بصدمة : اومو اومو دونغ
هي ؟؟
لي سونغ جي بجدية : جاسمين شي
معجبة بـ دونغ هي شي ؟؟
جاسمين بتهز راسها
يمين وشمال : لأ لأ مو هييك..
كيوهيون : امبلى هي مرة
قالت قدام كل أعضاء الفرقة انو دونغ هي اوباتها المفضل..
جاسمين بتطلع
بكيوهيون : اووهـ بس هاد كان أول مادخلت الشركة..
كانغ هو دونغ باهتمام
: اومــــوا يعني هلأ في واحد جديد ؟؟
جاسمين بتحط ايديها
على وشها من الخجل : لك لا مو هيك
.. آآهـ جينجا..
كانغ هو دونغ : مممم طب خلونا
بالجد .. عنجد جاسمين شي خبرينا مين من أعضاء سوبر جونيور بيعجبك أكتر شي كرجال
بالنسبة لالك ؟
لي سونغ جي بيتمسخر : أي قولي وميشان
ازا مو موجود هون نتصل فيه خصوصي ونجيبه لهون ونخليكم تواعدوا بعض..
كانغ هو دونغ : خلـص عنجد هلأ
خلونا نسمع اجابة جاسمين شي رح بسألك لآخر مرة مين من أعضاء سوبر جونيور رجلك
المثالي ؟
جاسمين بجدية : بصراحة أعضاء
سوبر جونيور كلهم بالنسبة لالي يعتبروا اوباتي وبعزهم كتير لانهم أكتر ناس وقفوا
جنبي من أول ظهور لالي ولحد هلأ لكن ازا بضطر اختار واحد منهم كرجلي المناسب فهو
رح يكون ....
كلهم بتوتر وحماس : رح يكون
مييييييييين ؟؟
جاسمين بتطلع فيهم
بجدية : رح يكون..
جاسمين بتلف وشها
عنهم وبتطلع بكيوهيون بجدية : رح يكون
كيوهيون اوبا !
كيوهيون بصدمة وقلبه
نار : أنا o.O ؟؟
جاسمين بتهز راسها
فوق وتحت وبخجل : اووهـ انت ..
لي سونغ جي بيتمسخر : معناته مارح
نتصل بحدا تاني من السوبر جونيور ونجيبه لهون..
كانغ هو دونغ بيطلع
بجاسمين : جاسمين شي وشو سبب اختيارك لكيوهيون
شي؟
جاسمين وخدودها طماطم
وبجدية وثقة : بصراحة كيوهيون اوبا أول واحد عرفته
ودعمني من فرقة سوبر جونيور وأنا واياه رفقة كتير ودايمًا مع بعض وبنساند بعض ..
شخصيته بتعجبني وعلى طول بيفهمني وبفهمه .. لهيك هو بالنسبة لالي مثالي بكل شي ..
كل الموجودين منشكحين
: وآآآآآآآآآآآآآآآآآآآآو ..
لي سونغ جي بيتحسر : هلأ كسرتي
قلوب ناس كتير جاسمين شي ..
كانغ هو دونغ : اووهـ أكييد
وانت أولهم ..
تيكيون بمزاح : أي جاسمين شي
كسرت قلبك للمرة التانية اليوم..
لي سونغ جي بيتحسر
: لك أخ يازلمة لا تزكرني ><
جاسمين بجدية : فيني اسأل
كيوهيون اوبا سؤال ؟؟
كيوهيون بيطلع فيها
بصدمة : تسأليني سؤال ؟
كانغ هو دونغ : أكييد اتفضلي
كل الأسئلة الك..
جاسمين بتطلع
بكيوهيون بجدية : اوبا فينك تخبرنا مين هي كانغ ها سو ؟
بصراحة هالسؤال محيرني من أول يوم تقابلنا فيه لانك بس شفتني أصريت اني كانغ ها سو
لهيك حابة كتير أعرف مين هي كانغ ها سو..؟؟!
كل الموجودين بدهشة : اومو اومو اومو
اومو..
لي سونغ جي باهتمام : ياترى مين هي
كانغ ها سو ؟
كانغ هو دونغ باهتمام
: ياريت تخبرنا كيوهيون شي لحتى نعرف ..
كيوهيون بيطلع
بجاسمين والموجودين بجدية : بصراحة أول مرة
قابلت جاسمين فيها كانت قبل يوم من ترسيمها وأنا ماكنت بعرف عنها شي .. كنت عرفان
انو في فنانة جديدة رح تطلع بكرة بس ماكان عندي فكرة مين هي بتكون .. المهم كنت
ماشي بالشركة فجأة خبطت بـ جاسمين عن طريق الغلط اعتذرتلي وبس اطلعت بوشها تلخبط
كل كياني قلت بعقلي مو معقول .. معقول تكون هي ؟ قمت وسألتها تلاقئيًا .. انتي
كانغ ها سو ؟ قالتلي لأ مين كانغ ها سو ؟ قلتلها انتي كانغ ها سو ماهيك ؟ قالتلي
لأ أنا جاسمين الفنانة الجديدة بشركة الأس أم .. وقتها بصراحة ماصدقت أبدًا لانو
درجة التشابه بين جاسمين وبين كانغ ها سو كبيرة كتير ..
كيوهيون بيتنهد
وبيكمل بحزن : كانغ ها سو بتكون حبي
الأول .. تعرفت عليها وحبيتها قبل 7 سنين ومن قبل ما قدم على شركة الأس أم حتى ..
بنينا أنا وها سو حبنا لبعضنا أيام الثانوية في مدينة بوسان.. حبيتها كتير من كل
قلبي واتخرجنا من الثانوية مع بعض وبقينا مع بعض لحتى اجاني اتصال من شركة الأس أم
الترفيهية يخبروني فيها اني انقبلت وطلبوا مني آجي على سيئول لحتى يشوفوني واتدرب
بالشركة بس من حسن حظي انهم رسموني من دون تدريب حتى دخلت فرقة سوبر جونيور وصرت
العضو الـ 13 .. المهم ضلينا أنا وها سو على تواصل على التلفون وأحيانًا كانت تيجي
ها سو على سيئول ونتقابل مع سوا .. ماكانت تقدر تيجي كتير بسبب انشغالها بجامعتها
وأنا ماكنت بقدر روح وشوفها بسبب شغلي وجدول أعمالي مع الفرقة .. ضلينا أنا وها سو
نحب بعضنا بسرية ومن غير ماحدا يعرف لحتى هالشي لا يشكل خطر علينا وينتشر اشاعات
وممكن اني أفشل وخصوصًا اني كنت ببداية مشواري الفني وغير هيك كان من شروط العقد
بالشركة انو ممنوع ارتبط أو تكون لالي علاقة بأي بنت لهيك خفت و قررت غصبًا عني
اني ابعد ها سو عني.. ماطلبت منها الانفصال أو خبرتها انو ماعاد بدي نتقابل .. قررت
اني بعد عنها عن طريق تجاهلي لاتصالتها ومقابلتها وكل شي لحتى ما اجرحها بانفصالي
عنها وأنا ماكانت بتطلع مني كلمة خلينا ننفصل أبدًا لاني بحبها كتير ومابدي قلها
هالكلمة ( الانفصال ) بنوب وعلى الرغم من هيك ضغطت على نفسي وبعدت عنها غصبًا عني
وأنا ندمان كتير لاني تركتها وبعدت عنها .. بتمنى لو يرجع فيني الزمن لورا وضلني
معها .. ها سو ما استسلمت أبدًا وقت بعدت عنها ضلت ورايا وضلت تدور عليي وتسأل عني
بكل الوسائل وميشان ابعدها نهائيا في مرة تظاهرت اني مابعرفها هالشي الي كسر قلبها
وأنا متأكد من هالشي وندمان علييه لانو وجع قلبي كان أكتر منها وقتها.. هالشي
استمر لمدة 4 سنوات وبالـ 3 سنوات الأخيرة من الـ 7 سنين ما عدت سمعت عنها شي ..
حتى انها ماعادت ظهرت قدامي أبدًا حاولت اسأل عنها أو اعرف عنها شي يطمني عليه
فيها بس فشلت وماقدرت أعرف عنها شي .. لحتى الآن بتمنى لو أعرف عنها ولو شي واحد
بس يطمني عنها وعن أحوالها وأنها بخير..
لي سونغ جي باهتمام : كيوهيون شي
ولساتك بتحبها لـ كانغ ها سو ؟
كيوهيون بتنهد وبيطلع
قدامه وبيضحك ضحكة خفيفة وبينزل راسه : لساتني بحبها ؟
ههههـ...
لي سونغ جي باستغراب
: ولا نسيتها وبطلت تفكر فيها ؟
كيوهيون بيرفع راسه
وقلبه نار وبحزن : فينك تقول لساتني بعشقها مو بحبها وبس
.. ماوقفت بيوم طول هالـ 7 سنين عن حبها أبدًا ولهلأ .. حاولت كتير اني حب وواعد
غيرها بس فشلت فشل كبير .. حبها كان أقوى من أي حب تاني بقلبي .. قلبي لـ كانغ ها
سو وبس..
تيكيون بقلق : يا جاسمين شي
انتي منيحة ؟
كيوهيون بيطلع فيها
بقلق : يا جاسمين انتي منيحة ؟ شو في ؟ ليش
عم تبكي ؟
جاسمين بتبكي وبتمسح
دموعها : لا لا مافي شي آسفة كتير بس انو
اتأثرت وأنا عم بسمع قصة كيوهيون اوبا .. أنا بالعادة بهيك مواقف دمعتي قريبة
وبتنزل على طول ميشان هيك لاتقلقوا أنا منيحة ..
لي سونغ جي : لك أخ كيوهيون
شي يعني كان لازم تخلي جاسمين شي تبكي بهالطريقة..؟؟
جاسمين بتخبط كيوهيون
على كتفه بخفة وهي عم تبكي وبمزاح : اوبا ليش كان لازم
تبعد عنها وانت بتحبها هالقد ؟ بابو !
كيوهيون بيطلع فيها
وبيضحك : لو بعرف ماكنت انفصلت عنها أبدًا ..
كانغ هو دونغ : قلتلنا انها
شبه جاسمين ماهيك ؟؟
كيوهيون بيشبك صوابعه
ببعض : اووهـ .. أصلا لولا ظهور جاسمين ماكنت
بشوف كانغ ها سو قدامي كل يوم .. الشبه بينهم مو طبيعي لدرجة اني بحس ها سو هي الي
قدامي للحظات بتمنى انها تكون هي عنجد بس بعدين بوعى على حالي وبتزكر انها وحدة
تانية .. جاسمين مو كانغ ها سو.. بس الفرق بيناتهم انو ها سو ملامحها بريئة
وطفولية وخجولة اما جاسمين ملامحها أكتر جاذبية و أنوثة وجرئة .. الشخصية مختلفة
على الرغم من تشابهم أحيانًا بس بيضلهم مو نفس الانسانة .. كل وحدة شكل .. وحدة
حبيبتي والتانية شبيهتها..
جاسمين بتطلع
بكيوهيون ببوز : آه جينجا بلشت أحسدها وتمنيت اني كون
هي عنجد ..انو مو معقول قديشك بتحبها اوبا ..؟!!
كيوهيون بيداعب شعرها
وبيبتسملها : ايغوا بابو جاسمين ..^^
لي سونغ جي بيطلع
بكيوهيون : كيوهيون شي .. شو بتحب تقول من كلام
توصله برسالة لكانغ ها سو على الهوا ؟؟
كيوهيون بيطلع
بالكاميرا وبمشاعر مختلطة والدموع واقفة بعيونه : مممم .. كانغ
ها سو ...ها سويا ! بتمنى تكوني عم تسمعيني هلأ وشايفتيني .. كيوهيون اوبا آسف
كتير لانو بعد عنك وتركك .. أنا ماكان قصدي أبدًا اني أجرحك .. كل شي صار غصبًا
عني .. ماكان بدي ابعد عنك بس اضطريت أعمل هالشي .. أنا بحبك كتير لأ بعشقك ..
وقلبي لسه معلق فيكي من أول ماحبيتك ولحتى الساعة هي .. بتمنى تسامحيني وبس تشوفي
هي الرسالة تظهري بحياتي مرة تانية وترجعيلي ونكمل حياتنا وحبنا مع سوا وأنا رح
استناكي لآخر العمر ولو مارجعتيلي رح اتفهمك لاني جرحتك كتير ومتأكد انك كرهتيني
بس أنا لسه بحبك كتير وبدي اياكي .. سرآآنيــه ها سويا .. اسمعيني رح غنيلك
هالأغنية بمناسبة مرور 7 سنين على حبنا بالبعاد والفراق..
فيديو الأغنيــــــة مع
الترجمة ..♥
http://www.youtube.com/watch?v=ekcA4RVHSko
لي سونغ جي : بنتمنى تكون
كانغ ها سو عم تسمعك هلأ وترجعلك وتكملوا حبكم مع سوا كيوهيون شي ^^
كيوهيون بيتنهد : هلأ ارتحت كتير
بس حكيت وغنيت .. هالشي كان مكبود بقلبي من زمان وأخيرًا طلعته ..
كانغ هو دونغ : مبسوطين انك
ارتحت .. بس جاسمين شي عيونها ما ارتاحوا بنوب من البكي من أول مابلشت تحكي وتغني
ولهلأ..
كيوهيون بيربت على
شعر جاسمين بحنية : ايغوا ايغوا اوبا آسف لانو خلاكي تبكي
كل هالقد مو معقول قديشك حساسة ..
لي سونغ جي بيطلع
فيهم : كيوهيون شي بما انو كانغ ها سو بتشبه
جاسمين شي كتير متل مابتقول ليش ماتتخيل انها ها سو وتفرجينا شو رح تعمل لو سمعت
كانغ ها سو رسالتك الي قلتها ورجعتلك ؟
جاسمين بصدمة : بــــــــــــــووهـ o.O ؟؟
كيوهيون بيصرخ
باعتراض : لا لا شو عم تحكي يازلمة ؟ لا لا
جاسمين شخص وها سو شخص تاني..
كانغ هو دونغ : اووهـ اووهـ يلا
قوموا مثلوا وخلينا نشوف شو هتكون ردة فعل كيوهيون لما ترجعله كانغ ها سو..
لي سونغ جي : 1 .. 2 ..3 ..
اكشن XD
جاسمين بتطلع
بكيوهيون وبتبكي : كيوهيون اوبا ..
كيوهيون بصدمة ولهفة
وعيونه بيلمعوا : كانغ ها سو ؟؟
كيوهيون بيطلع فيها
بلهفة وعيونه بتلمع : انتي عنجد ها سويا ماهيك ؟
جاسمين قلبها نار
وبدموع ولهفة : اووهـ اوبا أنا ها سو حبيبتك .. اوبا
أنا سمعت كل شي ومسامحتك ولساتني بحبك وبدي اياك ..اشتقتلك كتير..
لي سونغ جي بيربت على
كتف كيوهيون : اووهـ كيوهيون شي كيف حاسس هلأ ؟؟ كان
حضن عميق للغاية .. بحسدك -_-
كيوهيون بيبتسم بخجل
: بصراحة للحظة حسيت انو ها سو هي عنجد يلي قدامي وهي يلي كانت
بين ايدي .. كنت على وشك أعمل حاجة سيئة بس تمالكت نفسي لآخر لحظة ..
جاسمين بتطلع
بكيوهيون بلهفة وبدموع وحرقة : اوبا ليش
ماعملت هالحاجة السيئة لكان ؟
كيوهيون بيطلع فيها
بصدمة : بـــــــــــووهـ o.O ؟؟
جاسمين بتبكي وبتقرب
من كيوهيون : أنا رح أعمل شي وبحلف انو كانغ ها سو
ماعملته قبل هييك..
كيوهيون بصدمة ومش
مستوعب : جاسمين شو بتقصـ...
كيوهيون بيطلع بوشها
بصدمة وتسائل : انتي مين ؟
جاسمين بتبكي ودموعها
على خدها : ا..ا..اوبـا..
كيوهيون بيبحلق عيونه
من الصدمة وبيطلع فيها : ها سويا ؟
جاسمين بتهز راسها
فوق وتحت وبتبكي : اووهـ اوبا أنا ها سو..
كيوهيون مش مصدق
عيونه ولا ودانه وبيهز راسه يمين وشمال : لأ انتي مو ها
سو .. انتي جاسمين !
ها سو بتمسك راسه
بايديها وبتبكي بحرقة : اوبا انا مالي
جاسمين .. أنا كانغ ها سو حبيبتك يلي حبيتها طوال عالـ 7 سنين الي فاتوا وماوقفت
عن حبها أبدًا .. اوبا أنا ها سو صدقني .. غيرت ستايلي واتعلمت الغناء والرقص
وعملت أشياء كتيرة لحتى اعرف اوصلك بس اتنكرت بشخصية تانية وباسم تاني .. لكن
بالحقيقة أنا ها سو .. معقول يكونوا شخصين هالقد شبه بعض ؟ شوف وشي بلا ميك أب ورح
تشوف حبيبتك كانغ ها سو الي كل ملامحها بريئة وبسيطة والي لطالما حبيتها !
كيوهيون دموعه بعيونه
وبيطلع بعيونها بعتاب : صحيح اني كنت
اناني ببعدي عنك بس ها سو كانت طيبة كتير ماكنت شريرة لهالدرجة .. انتقمتي مني
وجرحتيني طوال هالمدة وأنا مفكرك بعيدة عني لكن طلعتي قريبة مني وجنبي .. عرفتي
كيف تنتقمي مني بنقطة ضعفي بس أنا مابعرف ازا رح سامحك أو لأ ..
ها سو بتدق باب
الغرفة وبتنادي وبتبكي : كيوهيون اوبا
دخيلك اسمعني لمرة وحدة بس..
ها سو بتبكي بحرقة : اوبا دخيلك
اسمعني ولو حتى مرة وحدة بس..اوبا أنا حبيتك كتير ولساتني بحبك متل الأول وأكتر
كمان .. اوبا دخيلك افتح الباب..
ها سو بتبكي بحرقة : اوبا بعرف انك
جوا وسامعني .. دخيلك بكفي حرام عليك .. اوبا ..
ها سو بتبكي بحرقة
ودموعها بتنزل على خدها : اوبا انت وقت بعدت
عني وتظاهرت انك مابتعرفني حتى وشفت خبر مواعدتك لسيوهيون وقتها حقدت عليك كتير
وكسرتلي قلبي كيف قدرت تنسى حبك لالي بهالسهولة هي ؟ قررت انتقم منك .. فكرت كتير
كيف حتى توصلت لاني انتقم منك من خلال اني كون جنبك لكن بشخصية تانية لحتى جننك
ويضل خيالي يلاحقك بكل مكان .. اوبا انت بتحبني كتير وانا بحبك كتير لهيك ماكان
بدي اياك تكون لغيري او تبعد عني .. مابتحمل تكون لغيري أبدًا لهيك عملت كل هالشي
غصبًا عني .. انت الي خليتني أعمل هيك .. كنت متأكدة انك من أول يوم شفتني فيه على
اني جاسمين مانمت ليلتها وضليت تفكر وكان رح يجن جنونك لهيك كنت مبسوطة كتير وقتها
واستمريت بالتظاهر باني جاسمين .. تملكتك من جديد وانفصلت عن سيوهيون وكل البنات
الي بتعرفهم وصاحبتني أنا بس وكنت أكتر بنت بتقضي معها وقتك .. بس شفتك هيك عرفت
انك بتحنلي و بس اعترفت ببرنامج سترونغ هارت بكل شي سامحتك من كل قلبي .. ماكنت رح
اكشف عن شي يومها بس قلبي ماعاد يتحمل بنوب كان رح ينفجر وانت قريب مني لهالدرجة
هي ... ماتمالكت حالي وطبعت بوسة على شفايفك بهديك الطريقة المجنونة لأول مرة
بيوصل فيني الجنون للهدرجة هي وكلو بسببك انت .. اوبا أنا بحبك وبتمنى تسامحني
ونرجع زي زمان .. اوبا مارح اضغط عليك وقت تروق وتفكر وتقرر تسامحني أنا عم بستناك
.. ورح استناك لآخر يوم بعمري ولو شو ماصار..
كيوهيون بيركض وبيزعق
بعصبية : اعطوني مايك !
كيوهيون بيزعق فيهم
بعصبية : عم قلكم اعطوني مايك !
كيوهيون بيطلع فيهم
وبيبتسم : شكرًا كتير لالكم أحلى جمهور بكل
العالم بحبكم كتير ^^
الجمهور بيصرخ بعصبية
: كانغ ها سو بابو .. كانغ ها سو بابو .. كانغ ها سو بابو ..
كيوهيون بيزعق
بالمايك بعصبية : بكفــــــــــــــــــي !
كيوهيون بيطلع بـ ها
سو بلهفة : كي بابو ..
كيوهيون بيطلع
بعيونها بحب وشوق ولهفة : كانغ ها سو
حبيبتي أنا .. سامحتك و بحبك.. ♥
وبهيك بتكون قصتنا
خلصت بعد عناء طويل :) .. بتمنى انكم تكونوا استمتعتوا وانتوا عم تقرأوها بعرف اني
طولت عليكم شوي بس بتمنى انكم تكونوا مامليتوا منها و بتمنى اني كون قدرت وصللكم
احساس الشخصيات بالقصة واتأثرتوا معهم بكل لحظة كانوا يعيشوها .. كالعادة بانتظار
آرائكـــــــم وتعليقاتكـــــــم وملاحظاتكــــــــم على القصة .. يلا أتركلكم
الساحة و اتحفـــــــــــــــوني ^^ ♥
آرائكـــــــــــــــــــــم
تهمنـــــــــــــــــــــي ^^
ليست هناك تعليقات:
إرسال تعليق