♥ سبع سنوات مـن الحـب ♥ البارت الأول

♥ 7 Years Of Luv 

سبـــع سنــوات مـن الحـب  ♥

By : ♔ Yaso

" في أحد مدن كوريا الجنوبية .. في مدينة بوسان ..تشو كيوهيون صحي من نومه وقام على الشباك يتفرج ويدندن بأغنية بصوته ويتفرج على الرايح والي الجاي.."

كيوهيون بيتجبد وبيتاوب : أخ شو هالصباح ؟ امتيين رح اصحى ولاقي حالي فنان كبير وكل الناس بتحكي عنه ؟

" كيوهيون بيطلع من الشباك يمين وشمال.."

كيوهيون بيتأفأف وببوز : شو هاد مافي ولا حتى بنت حلوة الواحد يعرف يصاحبها ولا يعاكسها هون -_- ؟

" وفجأة بيلاحظ انو في سيارة وقفت قدام البيت الي قبالهم ونزل منها بنت وأمها .. "

كيوهيون بيبحلق : لا مو معقول ! هالبيت صرله زمان كتير مهجور ومابيسكنه حدا وأخيرًا اجى الي يسكن فيه ؟؟

"البنت بتكون عم تنزل الشنط من السيارة وبتطلع حواليها وبتتفقد الحي..كيوهيون مابيشيل عيونه عنها أبدًا.."

كيوهيون بيفرك عيونه ومش مصدق : اومو اومو ! أشهدلك بالعشرة انك أحلى بنت بالحارة رح تكوني من هلأ .. وأخيــــــــــــرًا أمنيتي تحققت رح يصير عنا بنت بتجنن اووهـ يس ^^

" وبيطب يرقص ويغني وينطنط زي المجانين .. "

كيوهيون باصرار وبيهز راسه فوق وتحت ومع ابتسامة ثقة : هالبنت لازم توقع بايدي وياقاتل يامقتول !

" تاني يوم الصبح .. بيكون كيوهيون صحي وجهز حاله للمدرسة وطلع من البيت .. بالصدفة بتطلع البنت الي سكنت جديد قبال بيته من بيتها وبتكون هي كمان رايحة على المدرسة.. "

كيوهيون لنفسه وبحماس : هي فرصتك تشو كيوهيون لحتى تتعرف عليها !

" وبيروح كيوهيون بدو يقرب لعند البنت لحتى يتعرف عليها .. بالأول بيتردد بس بعدين بيتمالك حاله وبيتشجع وبيقرب لعندها .. "

كيوهيون مع ابتسامة بريئة : مرحبا ^^

البنت بتطلع فيه باستغراب : اووهـ أهليين..

كيوهيون بيمد ايده يسلم عليها مع ابتسامة : مرحبا أنا تشو كيوهيون جاركم ..

البت بتمد ايدها وبتسلم عليه مع ابتسامة : اووهـ أهلا كيوهيون .. عنجد ؟ وين ساكن انت ؟

كيوهيون بيشاور على بيته وبيطلع فيها : هاد البيت الي قبالكم بالزبط بيتي ..

البنت بتبتسم : اووهـ حلوو كتير .. أنا كانغ ها سو ^^

كيوهيون بابتسامة : أهلا ها سو .. بتمنى نكون رفقة ..

كانغ ها سو بابتسامة : أكيييد وبما انو نحنا جيران فشي طبيعي نصير رفقة ^^

معلش كيوهيون أنا بدي روح هلأ عندي مدرسة ..

كيوهيون بيحط ايده على دقنه : استني وأنا كمان عندي مدرسة .. بأي مدرسة انتي ؟

ها سو بتلعب بشعراتها : ممم مدرسة بوسان الوطنية ..

كيوهيون بيفرح من جواته وبابتسامة : وآآآآآآهـ ياللصدف هي مدرستي ^^

ها سو بتطير من الفرحة : اووووووهـ عنجد ؟ بنروح مع بعض لكان وأنا لسه جديدة هون ومابعرف شي الحمدالله لقيتك اجيتني نجدة من السما ^^

كيوهيون بابتسامة : أكيييد وأنا رح كونلك خيير دليل وعرفك على كل شي ..

ها سو بابتسامة : وآآآآآآآهـ شكرًا كتيير كيوهيون ^^ يلا خلينا نروح على المدرسة ..

" وبيروحوا هم التنين بيركبوا البص وبيروحوا على المدرسة .. "

كيوهيون : ها سو معلش أنا رح روح على فصلي هلأ وبنتقابل عالفسحة هوون عند هدييك الشجرة اراسو ؟

ها سو بابتسامة : اراسو كيوهيون ^^

" وبيروح كيوهيون على فصله وبيتركها وهي بتروح لعند الادارة .. بعدها بشوي بياخدوها على الفصل الي رح تدرس فيه .. وأول ماتفوت عالفصل بتعرفها المعلمة على الفصل وبتعرف الطلاب عليها.. "

المعلمة بابتسامة : بتمنى تكونوا طيبين مع ها سو وتساعدوها بكل شي لحتى تتأقلم معكم لأنها رح تصير وحدة منكم هلأ ^^

الطلاب : نيـــــــه ..

المعلمة بتطلع بـ ها سو بابتسامة : ها سو بما انك جديدة هون ولساتك مو ماخدة على الوضع ومابتعرفي حدا لهييك رح تقعدي جنب رئيس الفصل ...

ها سو بابتسامة : نيــــــه آنسة ^^

المعلمة بتطلع على رئيس الفصل : تشو كيوهيون رح تقعد جنبك ها سو الطالبة الجديدة وبتمنى انك تعرفها على كل شي وتساعدها بما انك الأول دائمًا على فصلك ^^

ها سو بتطلع فيه بدهشة : اومــــــوا .. كيوهيون ؟

المعلمة باستغراب : ليش بتعرفيه بنتي ؟

ها سو بابتسامة : نيــــه آنسة تعرفت عليه اليوم الصبح ^^

المعلمة بابتسامة : اووهـ حلو كتير لهييك مارح تتصعبي كتير ورح يسهل عليكي كل شي ^^ يلا اتفضلي اقعدي جنبه ..

" وبتقعد ها سو جنب كيوهيون وهي مبسوطة انها لقت حدا بتعرفه بهالسرعة .. "

المعلمة بتبتسم لكيوهيون : كيوهيون مابدي وصيك على ها سو ها ؟

كيوهيون بيضحك وبيطلع بالآنسة وها سو : اراسو آنسة ولايهمك ..^^

" وبعدها بتبلش الآنسة تشرح وكيوهيون ها سو قاعدين جنب بعض ومبسوطين واي شي ها سو بيصعب عليها مابتتردد أبدًا وبتسأل كيوهيون عليه وهو بيجاوبها بكل سرور .. وقت الفسحة بيروحوا كيوهيون وها سو بيقعدوا مع سوا بحديقة المدرسة وبيحكوا مع بعض .."

كيوهيون حاطط ايده على رقبته : فيني أعرف سبب انتقالك لهوون ؟

ها سو بتتنهد بحزن : بصراحة أبي توفى من فترة بحادث سير .. كان عندو شركة مقاولات كبيرة .. خسر كتير وخبى هالخسارة علينا ميشان لا نشيل هم وماكان بدو ايانا نهتم بهالشي ويقلقنا .. اكتشفنا هالشي بعد مماته وصاروا كل الناس يجوا يطالبونا بالفلوس .. كنا مفلسين تقريبًا فحجزوا بيتنا وطلعونا منه وليكنا وصلنا لهون ..

كيوهيون بيوجعه قلبه عليها وبيطلع فيها بحزن : اووهـ آسف كتير لانو سألتك هالسؤال وضايقتك..

ها سو بتبتسم بدفى : لا ولايهمك عادي ^^

كيوهيون بيبتسملها : ها سو خبريني انتي بأي شهر مولودة ؟

ها سو بتطلع فيه : ممم بشهر 7 .. وانت ؟

كيوهيون بيبتسم بنصر : وأنا بشهر 2 ... أنا أكبر منك لهيك رح تناديلي اوبا من هلأ ورايح ^^

ها سو بتطير من الفرحة : وآآآآآآآآآآهـ عنجد فيني ناديلك اوبا ^^ ؟

كيوهيون بيبتسملها : اووهـ عنجد .. ليش مستغربة هالقد ؟

ها سو فرحانة من قلبها : لانو مابعمري تخيلت انو نادي شب اوبا .. هي أول مرة بنسبة لالي .. كان نفسي من زمان يصرلي اوبا ^^

كيوهيون بيداعب شعراتها وبيبتسم : خلص ومن هلأ ورايح رح كون اوبا خاصتك ^^

ها سو قلبها طاير من الفرحة والابتسامة العريضة : نيـــــــه اوبا ^^

كبوهيون باهتمام : ها سو انتي شوو حلمك ؟

ها سو بترفع راسها وبتطلع بالسما : نفسي هلأ بس خلص دراسة اشتغل ونرجع أنا وأمي معززين مكرمين زي أيام ماكان أبي على قيد الحياة ... كان معززنا ومكرمنا وكل الناس بيحترمونا أما هلأ صرنا ولا شي .. الناس صار كل همهم الفلوس مابيدوروا عالطيبة بيدوروا عالفلوس وبس مع انهم عارفين انو مستحيل تنشرى المحبة والسعادة بالفلوس أبدا ..

" كيوهيون يكتفي بتأمل ملامح ها سو وهي عم تحكي وقلبه ماعم تسكت دقاته .. "

ها سو بتطلع بكيوهيون : اوبا وانت خبرني شو حلمك ؟!

كيوهيون بيرفع راسه وبيطلع بالسما : شفتي الشمس كيف عالية بالسما وبتعطي النور والدفى للكل ؟

" ها سو بترفع راسها وبتطلع بالسما "

كيوهيون بينزل راسه وبيطلع بها سو وبيبتسم : متل الشمس بدي كون نجم عالي وقدم للناس الدفى والحب بصوتي :)

ها سو بتطلع فيه باهتمام : وااااهـ اوبا بتحب تغني ؟ صوتك حلووو ؟

كيوهيون بيبتسم : ليش ماتسمعيه وتحكمي بنفسك ؟

ها سو باهتمام وفرح : اووووووه اوبا ياريت ^^

" وبيبلش كيوهيون يغني أغنية Isn't She Lovely  بصوته بكل احساس بيخطف قلب ها سو بحنيته لدرجة انها بتنسى حالها وهي عم تسمعله ومابتشيل عيونها عنه أبدا والابتسامة مالية وشها .. صحيح ها سو بنت بسيطة ونعومة ومابتهتم بحالها ومنظرها ولبسها كتير الا انها قدرت تخطف قلب كيوهيون من أول لقاء ... بل بالأصح من أول نظرة .. متل مابقولوا الحب من أول نظرة  ..كيوهيون مبسوط كتير وهو عم يغني وشايف انو ها سو منسجمة معه وعيونها مابتفارق عيونه .. بيخلص كيوهيون غنى وها سو بتكون مبهورة بروووعة صوته ... مع الأيام بيتعرفوا ها سو وكيوهيون على بعضهم أكتر .. بيروحوا عالمدرسة سوا وبيساعدوا بعض والمشاعر بيناتهم عم تنمو أكتر وأكتر مع الأيام... بس ولا واحد فيهم بيعرف انهم عم يكنوا مشاعر لبعض .. في يوم  .. كانت الدنيا ليل وضلمة .. بتكون ها سو طالعة من بيتها ورايحة مشوار .. و كيوهيون شايفها من شباك غرفته .. بتخطر على باله فكرة جهنمية .. "

كيوهيون بنظرة جذابة وجريئة : لازم توقعي بحبي كانغ هاسو مارح اتعذب بحبك لحالي !

" بيقوم ركض بيطلع من البيت عالشارع .. بيكون الشارع ضلمة كتير وها سو ماشية وهي مرعوبة أساسا من الضلمة بالشارع .. فجأة بتسمع حدا ماشي من وراها وبتلاحظ انو شب بتخاف كتير وبتصير تمشي بسرعة لحتى تبعد عنه .. الشب بيضل يلحق فيها .."

الشب بصوت خشن : تعالي لهون ياحلوة ليش طالعة هيك لوحدك بنص الليل ؟

"ها سو بتخشب بمكانها من الخوف .. الشب بيقرب لعندها وبيصير وراها بالزبط .."

ها سو بقلق وخوف بتصرخ : بعد عنـــــــي بعد ><

" وبتيجي بدها تركض بروح الشب عالسريع بيمد رجله قدامها وبتتعثر ها سو فيها من غير ماتنتبه وبتوقع عالأرض والشب بيوقع معاها وبتكون بحضنه.."

ها سو بتصرخ بخوف وبدموع : لك أخ رجلي ! يا أمـي مين انت شو بدك مني ؟ اتركني بحالي دخيلك أنا البنت الوحيدة لأمي وهي مابتستغني عني دخيلك اتركني !

الشب بيلف وشها ناحيته بقلق : يا ها سويا انتي منيحة ؟

ها سو بتشوفه وبصدمة وبتبكي : يا ! تشو كيوهيون o_O ؟

كيوهيون مابيمسك حاله من الضحك : يا كانغ ها سو مو معقول قديشك خويفة ههههههههاي ياربي مش قادر منظرك كان مسخرة ..

ها سو والدخان طالع من ودانها وبتنفجر فيه بزعيق وعصبية وبتخبط بايدها عصدره و بدموع : يا بابو لك كيف بتعمل فيني هيك ؟ كنت رح تموتني من الرعبة خوفتني كتير ليش عملت هيك اووهـ ؟ أنا بكرهك بكرهك بكرهك ! بابووووو .. نابون نوم :/ رح بقتلك رح بقتلك ><

كيوهيون بصدمة وفيس زعلان : ها سويا اسف كتير والله كنت عم بمزح معك ماكان قصدي خوفك لهالدرجة .. كنت حابب اعمل فيكي مقلب ونتسلى سوى ... ميانيه :(

ها سو بصوت مخنوق وبتبكي بحرقة : مابتعرف قديش أنا بخاف لانو هالشي صار معي قبل هيك حقيقي .. كان في رجال سكران عم يلحقني وكان رح يستغلني بس أبي لحقه باخر لحظة ..

" كيوهيون قلبه بيوجعه عليها أكتر وبيمسك ايديها الي كانت حطاهم عصدره وعم تخبط فيهم بقوة.. "

كيوهيون بيطلع فيها بحنية وفيس حزين : بعتذر كتير ها سو ماكنت بعرف هالشي وأنا بابو الي عملت هالشي ماكان لازم أعمله..

ها سو بتبكي وبحرقة : اوووووهـ أنت بابو! بابو!

كيوهيون بياخدها بحضنه بقوة وبيربت على ضهرها بحنية : ازا هيك انتي مرتاحة وانتي عم تشتميني وتضربيني فأنا رح كون راضي..

" ها سو بتدوب بحضنه وبتوقف بكي ودقات قلبها رح تفضحها ... ساندة راسها عكتفه ومبحلقة عيونها وحاسة بدفى حضنه وماعم تتحرك أبدا ولا عم تبدي أي ري آكشن كانت متمنية ماتبعد عن حضنه بنوب .. وهو قلبه والع نار ومتمسك فيها بقوة كبيرة..بعدها بدقائق بيفكها من حضنه وبيقوم عن الأرض وبيقومها .."

كيوهيون ماسك ايدها وبقلق : انتي منيحة ها سويا ؟

ها سو بتطلع فيه بخوف : اووه بس رجلي عم توجعني :(

كيوهيون بقلق : عم توجعك كتير ؟ مافينك تمشي عليها ؟ شو رأيك اخدك لعند الدكتور ؟

ها سو بتمسك بايد كيوهيون بشكل أقوى : لأ مافي داعي اوبا وصلني عالبيت بس هلأ اومااهـ قلقت علي..

" وبيسندها كيوهيون طول الطريق وبيوصلها عبيتها وبيروح هو عبيته .. بعدين بتتحسن حالة ها سو وبتمر الأيام وهم بيروحوا عالمدرسة وبيتقابلوا وبيقضوا وقت ممتع مع بعضهم ومشاعرهم لبعض رح تقتلهم .. لا هي عم تعترف بحبها ولا هو عم يعترف بحبه.. هالشي محيرهم هم الاتنين لانو ولا واحد فيهم عارف ازا التاني بحبه أو لأ ؟!! .. بيجي يوم بيكون الجو ربيعي وحلووو .. كيوهيون بياخد دراجته وبيروح لعند ها سو .."

ها سو بابتسامة : كيوهيون اوبا ^^

كيوهيون بيبتسم من قلبه : يلا يلا بسرعة تعي ميشان نتفسح مع سوا..

" وبياخدها وبيروحوا على منتزهـ بيقعدوا عالخضار وبين الورود .. "

ها سو وشعراتها بيطيروا مع الهوا : وآآآو اوبا الجو كتير حلوو اليوم ..

كيوهيون قلبه نار وبيتأمل ملامحها : اوووووهـ حلو كتير كتير كتير..

ها سو بترجع شعرها ورا دانها : اوبا الجو هون كتير ملائم للدراسة .. شو رأيك نيجي هون لحتى ندرس للامتحانات النهائية ؟

كيوهيون : قولك هييك ؟ بتعرفي ماني مصدق وأخيرا رح اخلص من المدرسة وروح عالجامعة .. رح نروح مع بعض ماهيك ؟!!

ها سو بتبتسم : أكييد اوبا لازم ولا بضيع من غيرك أنا XD

كيوهيون بيقوم وبيمدلها ايده : طب قومي خلينا نلعب شوي ..

ها سو بتمسك ايده وبتقوم : يلا اوووبا ^^

" وبيصيروا يركضوا وهم ماسكين ايدين بعض ويلعبوا متل الأولاد الصغار وبيركب كيوهيون عدراجته وبتركب ها سو وراهـ.."

ها سو ماسكة ببلوزته وخايفة : اوبا دخيلك خلينا ننزل حاسة رح نوقع ..

كيوهيون : لك خلي عندك ثقة أنا محترف ولا ممكن أوقـ.....

” ومابيكمل كلمته وبيفقد السيطرة عالدراجة لانو بيكون عجل الدراجة القدماني اتعثر بحجر وبتوقع الدراجة وها سو بتوقع وكيوهيون بيوقع فوقها .. "

ها سو ماسكة راسها وبتتوجع : أششش اوبا شفت شو صار ><

" ووقتها بتطلع بتلاقي كيوهيون فوقها ووشه فوق وشها بالزبط وعيونهم ببعض ومبحلقين من الصدمة ودقات قلوبهم فضحتهم هم التنين .. بيضلهم مبحلقين من دون حتى ري آكشن واحد .. كيوهيون قلبه والع نار بسبب قربه من ها سو للهدرجة ولأول مرة بيشوف ملامحها بوضوح أكتر وبيتأملها وبيتفحصها وكأنه أول مرة يشوفها .. بيتفحص ملامحها جزء جزء .. أول مابيتفحص بيتفحص بشرتها الناعمة ، عيونها ؛ أنفها وشفايفها .. كيوهيون مابيقدر يضبط حاله ومابيمنع حاله حتى انه يقرب من وشها أكتر بيغمض عيونه وبكل حب بيطبع بوسة عميقة على شفافها بتختصر كل أشاعيره وأحاسيسه وقلبه الوالع نار "

" ها سو قلبها ولع نار أكتر من الأول وعيونها اتوسعت بزيادة وماتحركت ولا حركة وحدة حتى ماقاومته أو منعته من الي بيعمله بالعكس .. غمضت عيونها وتفاعلت معه بكل حب وقلوبهم شعلانة نار .. بعد دقائق بعد كيوهيون عن شفايفها واطلع بوشها لقاها مغمضة عيونها ولمس وشها بنعومة ورقة وأتفحص ملامحها أكتر وخطف بوسة سريعة من شفايفها مرة تانية وفتحت ها سو عيونها بسرعة وقلبها شعلان نار وبحلقت بكيوهيون وهو بس شافها كيف مبحلقة عيونها صار يضحك عليها من قلبه .. "

ها سو ببوز : بكفي تضحك -_-

كيوهيون فطسان من الضحك : أي لو تشوفي منظرك هلأ يالهووووي ..

ها سو ببوز : اووووووبا -_-

كيوهيون بيقرصها من خدودها بكواتة : ياخلاسي مازكاهم ياناس ياتي جميلة ياتي..

ها سو والدخان طالع من ودانها : ياااا ! تشو كيوهيون -_- !

" وبيقوم كيوهيون عن الأرض وبيشد ها سو من ايدها وبيقومها وبيوقفوا قبال بعض وكيوهيون ماسك ايديها التنتين بكل حب.."

كيوهيون بابتسامة حنونة : ها سويا..

ها سو ببوز : شو بدك -_- ؟

كيوهيون بابتسامة جذابة : بحبك ♥

" وبيقرب من وشها وبيطبع بوسة رقيقة عجبينها .. ها سو هتروح فيها من الصدمة ومبحلقة عيونها وحرارتها زادت لانو كيوهيون لازق فيها .. بتبتسم لا اراديا وبتحضنه وبتتمسك فيه .. "

ها سو وقلبها والع نار : وأنا كمان بحبك اوبا.. ♥

" كيوهيون بيفرح من قلبه الي بيدق أضعاف وبينزل شفافه عن جبينها لخدها وبيطبع بوسة رقيقة عليهم وبياخدها بحضنه وبيتمسك فيها بقوة أكبر وبيحسس على شعراتها بحنية ..  ويستمر حبهم لبعض وبينمو أكتر مع الأيام ووجودهم مع سوا .. بيقضوا كل أيامهم المدرسية مع سوا لحتى ينجحوا ويتخرجوا من الثانوية .. في يوم بيكون كيوهيون مستني اتصال مهم وفعلا بيجيه .. المسا بيكون قاعد مع ها سو..."

كيوهيون ماسك ايد ها سو بحنية : ها سويا بدي خبرك شي بس بدي اياكي تكوني قوية حبيبتي اووهـ ؟

ها سو بتتمسك بايده أكتر وبقلق : شو في اوبا خوفتني .. شو صاير معك ؟

كيوهيون بيطلع بايديهم المتشابكتين ببعض : بالحقيقة اليوم اتصلوا فيني شركة الأس أم الترفيهية .. هي الشركة يلي رح توصلني للنجومية الي طول عمري كنت بحلم فيها..

ها سو بابتسامة : وااااهـ اوبا وشو خبرووك ؟ قبلووك ؟

كيوهيون بيشد عايد ها سو أكتر : خبروني انو عجبهم صوتي وقبلوني ومن بكرة رح روح واتدرب عندهم بالشركة في سيئول ..

ها سو بتطلع فيه بحزن : اوبا رح تروح وتعيش بسيئول :( ؟

كيوهيون بفيس زعلان : اوووهـ لانو مقر الشركة هنيك وسيئول هي العاصمة وازا بدي حقق حلمي بالوصول للنجومية لازم عيش هنيك ..

ها سو دموعها بعيونها : اوبا طب وأهلك هون ؟ وأنا ؟ كيف رح نتحمل تبعد عنا ؟؟

كيوهيون بيمسك راس ها سو بايديه التنتين وبيطلع بوشها : ها سو حبيبتي اسمعيني منيح .. لو شو ماكانت الظروف أنا رح ضلني شوفك رح باجي مخصوص ميشانك هون لاني مابستغني عنك ومافيني عيش بعيد عنك أبدا انتي الهوا الي أنا بتنفسه ..

ها سو بتبكي ودموعها بتنزل : اوبا بس انت رح تبعد كتير وماعاد شوفك متل هلأ وأنا بموت لو ماشفتك بيوم واحد بس .. لو بعدت عني يوم مابعرف شو بصرلي .. بختنق ! بموت !

كيوهيون بيمسكها بقوة أكبر : ها سو انتي لازم تكوني أقوى من هيك حبببتي.. انتي لازم توقفي جنبي وتدعميني لحتى حقق حلمي وانتي أكتر وحدة بتعرفي قديش نفسي حقق هالحلم..

ها سو بتبكي وبتاخده بحضنها بقوة وبتتمسك فيه : بعرف اوبا بعرف بس أنا مابدي اياك تبعد عني .. أنا مافيني عيش بلاك اوبا..

كيوهيون بيربت عشعرها بحنية : ولا أنا بدي أبعد عنك بس لازم أعمل هالشي ازا كنت بدي حقق حلمي وبوعدك رح تشوفيني ونتقابل عطول .. فينك تيجي عـ سيئول وأنا فيني آجي لهون عـ بوسان ونشوف بعض وحبنا مارح يتغير بنوب ورح يستمر للأبد ..

ها سو بتتمسك فيه أكتر وبتبكي : اوبا معقول تضلك تحبني بعد ماتشوف البنات المشاهير الحلوين قدام عيونك ؟ كلهم حلوين وأكيد جمالي مابيجي شي جنب جمالهم .. اوبا رح تضل تحبني حتى ولو شفت أجمل الجميلات قدامك ؟

كيوهيون بيفكها من حضنه وبيطلع بوشها : حبيبتي انتي بالنسبة لالي من أحلى بنات العالم و ولايمكن اني أخونك أبدا وحب غيرك .. حبيبتي انتي الأحلى ♥

ها سو بتبكي والدموع عخدها : اوبا اوعدني انك رح تضل تحبني وماتحب غيري وتتركني لو شو ماصار..

كيوهيون بابتسامة : بوعدك ها سويا .. بحبك ♥

" وبيخطف شفافها بين شفافه ببوسة عميقة مجنونة مليانة حب ومشاعر وقلوبهم شعلانة نار ..وها سو متمسكة بكيوهيون بقوة وكأنها آخر مرة بتحضنه فيها وانه رح يروح من بين ايديها وماعاد يكون لالها .."

" بتنام ها سو طول الليلة بحضن كيوهيون والدموع ماعم تفارق عيونها وهو كان عم يبكي بس عم يداري وماعم يحسسها بهالشي لحتى يضل قوي قدامها .. تاني يوم الصبح بيستعد كيوهيون وبيجهز أغراضه وبتوصل معه ها سو لمحطة المترو ميشان تودعه هنيك.. "

ها سو بتمسك ايده بقوة وبتبكي : اوبا انتبه عحالك منيح .. كول منيح واتغطى منيح ولا تتعب حالك كتير .. اراسو ؟

كيوهيون بيلمس وشها برقة : حبيبتي ولايهمك وانتي انتبهي على حالك منيح وأنا رح ضلني حاكيكي واطمن عليكي..

ها سو بتبكي وبتشد عايده : اوبا شد حيلك واعمل كل الي بتقدر عليه لحتى توصل للي بدك اياه وتحقق حلمك ..

كيوهيون بابتسامة دافية وبيمسحلها دموعها : اوكي حبيبتي ولايهمك رح كون قدها .. يلا فرجيني الضحكة الحلوة قبل ماروح وحاج تبكي بقى..

ها سو بتحاول تبتسم وبتتنهنه : ا..ا..اراسو اوبا ..

" وبترسم ابتسامة عوشها غصبًا عنها وبياخدها كيوهيون بحضنه بقوة كبيرة وهي بتتمسك فيه بقوة أكبر وبيضلهم دايبين بحضن بعض لغاية مايصحيهم صوت المترو ميشان يمشي .. كيوهيون بيروح ركض بيلحق المترو وبيركب وبيضل يودع ها سو من بعيد وهي تودعه وتبكي بحرقة وبتضلها واقفة بالمحطة لحتى يختفي المترو الي فيه كيوهيون من قدام عيونها وبترجع عالبيت وهي عم تبكي والحزن مالي قلبها وكيوهيون طول الطريق بالمترو وهو حزين وعم يفكر بـ ها سو .. بعد ساعات من السفر الطويل بالمترو كيوهيون بيوصل من بوسان على سيئول وبيتوجه فورًا لشركة الأس أم الترفيهية وبيقابل رئيس الشركة مستر لي سو مان ومجموعة من كبار الموظفين بالشركة وبيعرض عليهم موهبته والي هي الغناء ... بينسحروا بصوته فورًا ... "

لي سو مان : هالشب مالازم تضيع موهبته أبدا بعد اليوم .. من هلأ ورايح رح يكون فنان رسمي بشركتنا .. رح ينضم لفرقة سوبر جونيور ويكون العضو الـ 13 ..

كيوهيون بصدمة : العضو الـ 13 o_O ؟

لي سو مان بيطلع فيه : اوووهـ .. شو قلت ؟!

كيوهيون باصرار : لو كان هالشي رح يوصلني للشهرة والنجومية فأنا موافق..

لي سو مان بابتسامة لئيمة : لكان أهلا وسهلا فيك بشركتنا .. اتفضل معي لحتى نوقع العقد..

" وبيوقع كيوهيون على العقد رغم قساوة الشروط الموجودة فيه وبيتفقوا على كل شي وبعد مايخلصوا بيطلع كيوهيون من عند لي سو مان .. "

كيوهيون ببوز : العمى بعيونه ما أغلظه مو معقول .. كل شي ممنوع ممنوع .. ممنوع تحب أو تقيم علاقة مع أي بنت .. شو هاد ؟ لو عرف بقصتي أنا وها سو شو رح يعمل ؟ معقول هالشي يعرضنا للخطر ؟؟!

" ووقتها بيرن موبايله وبيشوفه وبيرد .. "

كيوهيون بلهفة وشوق : ها سويا ^^

ها سو بلهفة : حبيبي اوبا اشتقتلك كتير طمني عنك ؟

كيوهيون فرحان : حياتي باركيلي قبلوني وعينوني فنان رسمي بالشركة ورح كون العضو الـ 13 بفرقة سوبر جونيور ..

ها سو بحماس : وآآآآآآآآآهـ فرقة سوبر جونيور ؟ حلو كتير اوبا تشوكاهيــه فايتينغ ^^ سلملي ع دونغ هي اوباXD

كيوهيون ببوز : تعي سلمي عليه لحالك -_-

ها سو بتضحك من قلبها : ايغوا اوبا تؤبش قلبي ما أحلاك..

كيوهيون ببوز : أششششش ..

ها سو ببوز : مو عاجبك الغزل -_- ؟

كيوهيون ببوز ومتنح : عم ينادوا علي لاتعرف على أعضاء الفرقة واتدرب -_-

ها سو ببوز : يالله مابدي .. خليني اسمع صوتك عالأقل مو بكفي اني ماعم شوفك ><

كيوهيون بحنية : حبيبتي والله وأنا كمان مابدي اتركك بس مضطر.. ليكي بحاكيكي الليلة قبل مانام .. باي ياعمري..

ها سو بحزن : باي يا اوبا :(

" وبيسكروا الخط وبيروح كيوهيون بيتعرف على كل أعضاء السوبر جونيور وبيتدرب معاهم وبينبسطوا مع بعض وبيعلمووهـ وبيساعدوه بكل شي لحتى يصير واحد منهم وفيهم .. بيمر شهر ع هالحال .. كيوهيون بيتدرب بالشركة وهاري حاله بالتدريب وتسجيل الأغاني ولدرجة انو مابيلاقي وقت يحاكي ها سو زي العالم والناس .. بعد كل هالتعب بيصير وقت يظهر كيوهيون على المسرح لأول مرة وكـل الصحافة والاعلام والجمهور مستني يشوف عضو السوبر جونيور الجديد .. الكل كان معارض فكرة العضو رقم 13 بس لما طلع كيوهيون على المسرح وفرجاهم انه قد هالتحدي كلهم انبهروا بوسامته و بصوته الرائع و شخصيته العفوية واتشكل لالو فانز بسرعة كبيرة كتير .. بعد مايخلص كيوهيون عرضه الأول مع الفرقة الكل بيباركله وبيعملوا احتفال صغير لنجاح كيوهيون باقناع الناس وبيحاكي ها سو وبتباركله وبيكونوا فرحانين كتير وبيعبروا عن شوقهم وحبهم لبعض على التلفون .. تاني يوم بيكون في حدث توقيع معجبين .. كيوهيون بيكون قاعد وعم يوقع لكتير معجبين وهلكان من أول النهار لآخره .. "

كيوهيون بيمطط جسمه وهو قاعد عالكرسي : لك أخخخ تعبت أنا ><

" وفجأة بتيجي لعنده بنت وبتوقف .. "

البنت بابتسامة عريضة : كيوهيون اوبا ^^

كيوهيون بيطلع فيها بدهشة ولهفة : كانغ ها سو ؟؟

ها سو بلهفة : اوبا اشتقتلك كتيــــــــــر ..

" وفجأة بيجي فان بوي عندهم وبيحضن كيوهيون .."

الفان بوي : كيوهيون أنا بحبك كتير وانا من أكبر معجبينك ^^

كيوهيون مخنوق وبيبعده عنه بقرف : نيـه نيـه شكرًا شكرًا لالك..

الفان بوي فرحان : ممكن تعطيني توقيعك كيوهيون ^^ ؟

كيوهيون بيوقعله بقرف : اووهـ أكييد..

" والفان بوي بيتشكره وبيروح من عندهم.."

ها سو والنار والعة جواتها : اوبا اشتقتلك كتير كتير كتير..

كيوهيون بيطلع فيها بحنية : وأنا كمان اشتقتلك كتير ها سويا..

ها سو بتلمس وجه كيوهيون برقة : لك تؤبر قلبي ليش هالقد نحفان ؟

كيوهيون بيشيل ايد ها سو عن وشه وبجدية : مو قدام الناس ها سويا رح يفهمونا غلط ويطلعوا الصحافة اشاعات..

ها سو بتزعل جواتها بس بتداري : اراسو اوبا .. بس أنا مشتقتلك كتير لازم اقعد معك وحاكيك أنا ما اجيت على سيئول لـ ولا شي..بدي آخدك بحضني مشتاقة كتير لحضنك..

كيوهيون بجدية : ها سويا بس مو هون..

ها سو ببوز : اوبا بس حضن واحد .. رح يفكروني معجبة وبتاخد حضن منك مارح يصير شي..:(

كيوهيون بيطلع فيها بفيس زعلان : لأ ها سويا ... أنا رح روح لمكان جوا بعيد عن أنظار الناس الحقيني بعد شوي لحتى ماحدا يشك بشي..

" وبيخبر كيوهيون مدير أعماله انه رح يروح يرتاح شوي وبعدها بيروح عمكان بعيد عن الأنظار .. ها سو بتراقبه لوين بيروح وبعدها بشوي بتلحقه متل ماخبرها .. أول مابتفوت بتلاقي حد شدها لجوا المكان وأخدها بحضنـه.."

ها سو برعبة وقلق بتطلع فيه : كيوهيون اوبا ؟!

كيوهيون بيلمس وشها برقة وبيطلع بعيونها بلهفة : اشتقتلك كتير..

ها سو بتتمسك فيه وبتطلع بعيونه بلهفة أكتر : وأنا اشتقتلك أكتر اوبا ..

" كيوهيون بيطلع حواليه ويمين وشمال.."

ها سو باستغراب : اوبا شو في ؟؟

" كيوهيون مابيقدر يقاوم شوقه لالها أكتر بيطلع بوشها وبياخد شفايفها بين شفايفه ببوسة أجن من الجنون نفسه وبيلمس جسمها كلو بلمسات حنونة .. وهي بتغرق معاهـ ببحر من الرومانسية والحب .. والتنتين قلوبهم شعلانة نار ولهيب .. بعدها بدقايق بيبعد عنها وبيطلع بوشها بحب .."

كيوهيون بحنية : أخ صرلنا شهرين ماشفنا بعض وانشغلت عنك كتير حبيبتي بعرف أنا آسف.. بس ظروف شغلي هلأ هيك بتطلب مني :(

ها سو بتلمس وشه بحنية : لهيك ماقدرت اتحمل أكتر واجيت لحتى شوفك اليوم .. اوبا أول ماتاخد اجازة بليز تعى لبوسان .. المشكلة أنا كمان عندي جامعة ومابقدر آجي كتير .. رح نضل نتواصل عالتلفونات أكتر شي.. بكفي انحرمت من شوفتك مابدي انحرم من صوتك كمان..

كيوهيون بيطلع فيها بحزن : المشكلة انتي بتقدري تشوفي صوري بكل مكان وتعرفي أخباري من وين ماكان هلأ .. بس أنا كيف بدي شوفك ؟

ها سو بتطلع من شنطتها صورة وبتعطيها لكيوهيون : اوبا هي صورة لالي .. وقت تشتقلي فينك تطلع عليها وتشوفني ^^

كيوهيون بفرح : وآآآآآآهـ حياتي الصورة بتجنن رح خليها على طول بمحفظتي لحتى ضلني شوفها على طول..

ها سو بابتسامة : اوبا تعى خلينا نتصور صورة مع بعض لحتى تضل معنا ^^

" وبياخدوا صورة بموبايل كيوهيون مع بعض وصورة تانية بموبايل ها سو .. ووقتها مدير أعمال كيوهيون بينادي عليه.."

كيوهيون بيزعق : يلا يلا جايي..

" وبيودع كيوهيون ها سو وبيروح ..ها سو بتطلع من المكان وبتصير تمشي بشوارع سيئول فرحانة وبنفس الوقت حاسة بقبضة بقلبها .. حاسة بشي غريب جواها بس مابتعرف شو هو .. بتمر 3 سنين ع هالحال وهم عم يتقابلوا بالخفاء وبعيد عن عيون الناس لحتى ماحدا يشك بشي .. وبيوم .. بيكون كيوهيون قاعد لوحده بغرفته وبيكون حاكي مع ها سو على التلفون وبعدها بيقعد يفكر.."

كيوهيون لنفسه بحزن : لامتين رح أظلم ها سو معي بهالطريقة هي ؟ ها سو صابرة وعم تتحمل على الرغم من كل شي وأنا كتير مقصر معاها .. أنا ازا اعترفت بحبي قدام الكل .. لي سو مان رح يشلني واحتمال أفشل واخسر كتير من معجبيني .. أنا ماجمعت كل هادا ميشان أخسره بثانية وحدة .. لهيك لازم بعد ها سو عني شوي شوي من غير ما انفصل عنها.. أنا آسف ها سويا أنا بحبك كتير بس رح عزبك كتير وعزب حالي أنا كمان بس مضطر .. ولا رح أخسر كل شي بنيته :(

" بيجي سونغ مين لعنده وبيشوفه بهالحالة .."

سونغ مين بيحط ايده على كتف كيوهيون : مالك كيونا ؟ شو بيك زعلان كل هالقد ؟

كيوهيون بيطلع فيه بابتسامة مصطنعة : لا مافي شي لا تهتم هيونغ ..

سونغ مين مش مصدق : مممم اوكي عالعموم وقت ماتحب تحكي أنا موجود جنبك على طول لحتى اسمعك..

كيوهيون بيبتسمله : كوماوو هيونغ ^^

" وبعدها كيوهيون بيتجاهل كل اتصالات ها سو ولا بيسأل فيها حتى .. كل ماها سو تيجي تقابله بيقابلها ببرود وبيتهرب منها على طول .. ها سو بتحس ببعد كيوهيون عنها وبتشوف أخباره عالنت وصوره في البرامج والحفلات مع بنات مشاهير بتموت من الغيرة والقهر وبتتعزب لحالها وبتهري حالها من البكي ..بتقرر تروح على شركة الأس أم تستناه على الباب لحتى يجي .. ووقت يوصل كيوهيون على الباب بتنادي عليه بينتبه بس بيعمل حاله مو شايفها وبيطنشها وبيضل ماشي وها سو بتلحقه وبتضل تنادي عليــه.."

ها سو بتصرخ بحرقة : كيوهيون اوبا !

" كيوهيون مطنش وولا كأنه في حد بينادي عليه .. بيتوجه صوب بوابة الشركة وبيجي بدو يدخل بتروح ها سو بتلحقه .. بيفوت وبتيجي بدها تفوت ها سو بس بيمسكها الحرس على الي عالباب.."

ها سو بتصرخ بحرقة : كيوهيون اوووووووبا ! بلييز اتركوني بس بدي احكي معه شوي..

الحارس بينادي : كيوهيون شي ..

كيوهيون بيطلع على الحارس : شو في ؟

الحارس وبيأشر على ها سو : بتعرف هي البنت شي ؟

كيوهيون بيطلع ها سو من فوق لتحت وبغرور : لأ مابعرفها ..

ها سو وكأنه كيوهيون حط سكينة بقلبها وبصدمة : كيوهيون اوبا ؟؟!

الحارس بيطلع على ها سو : هو مابيعرفك اتفضلي آنسة من هون..

ها سو بحرقة : لاااااااااااا ! كيوهيون اوبا بيعرفني..اوووووووووبا ..

الحارس : آنسة لو سمحتي روحي من هون ماتخلينا نستخدم معك أسلوب تاني..

" ها سو بتحاول تقاوم الحرس وهم ماسكينا وتهرب منهم بس بيمسكوها بقوة وهي بتزعق وبتنادي على كيوهيون بحرقة وبتبكي..وبيمشي كيوهيون من عندهم وبيتكرهم وبيدخل الشركة .."

ها سو بتصير تزعق بحرقة وبدموع : كيوهيون اوباااااااااااا!

" كيوهيون بس يدخل على الشركة بيروح على غرفته دغري وبيسند حاله على الباب ودموعه بتنزل على خده وقلبه محروق على ها سو.."

كيوهيون بيبكي بحرقة : آسف ها سو حبيبتي آسف أنا غبي كبير .. بحبك ها سو بحبك ومابستحقك بنوب ..

" عند ها سو .. بعد مابعدوها الأمن عن باب الشركة بتكون قاعدة على كرسي بالشارع ومنهارة من كتر البكي .. "

ها سو بتبكي بحرقة وبتصرخ : اوبا ليش عم تعمل هييك اووهـ ؟ أنا شو عملتلك أنا ؟ ليش عم تعزبني شو زنبي أنا ؟ آآآآآآآهـ يا أمي آآآآآآآآهـ ..

" وبتاخد موبايلها وبتصير ترن على كيوهيون بس عالفاضي مابيرد عليها .. بالصدفة بيجيها رسالة عالموبايل .. ( خدمة رسائل أخبار تشو كيوهيون ) بتفتح الرسالة بتلاقي فيها خبر بعنوان : سوبر جونيور تشو كيوهيون وسنسد سيوهيون يتواعدان ؟؟! .. ها سو بس تشوف العنوان بيجن جنونها بتفوت دغري لحتى تشوف الخبر وبيكون في صور كتير لكيوهيون مع سيوهيون سوا .. مرة ماسكين ايدين بعض ومرة بيغنوا مع بعض ومرة بيرقصوا مع بعض ومرة طالعين مع بعض .. وبتقرأ الخبر كله وبتشوف بالصور ودموعها ماعم توقف تنزل من عيونها.. "

ها سو بتخبط الموبايل بحرقة ومموتة حالها من البكي : اوبا ميشان هيك عم تتجاهلني وبتبين انك مابتعرفني ؟ اوبا حبيت وحدة غيري ونسيتني بهالسهولة ؟ اوبا ليش حبيتني من الأول وعزبتني معك ليش ؟ ليش وجعتلي قلبي بهالطريقة ؟ أنا شو عملتلك أنا ؟ شو زنبي اني حبيتك واستنيتك لحد هلأ وصبرت على كل شي ميشانك .. ليش عملت فيني هيـك ليش ؟

" ووقتها بتتزكر كلام كيوهيون ووعده لالها ..

(  ها سو بتتمسك فيه أكتر وبتبكي : اوبا معقول تضلك تحبني بعد ماتشوف البنات المشاهير الحلوين قدام عيونك ؟ كلهم حلوين وأكيد جمالي مابيجي شي جنب جمالهم .. اوبا رح تضل تحبني حتى ولو شفت أجمل الجميلات قدامك ؟

كيوهيون بيفكها من حضنه وبيطلع بوشها : حبيبتي انتي بالنسبة لالي من أحلى بنات العالم وولايمكن اني أخونك أبدا وحب غيرك .. حبيبتي انتي الأحلى ♥

ها سو بتبكي والدموع عخدها : اوبا اوعدني انك رح تضل تحبني وماتحب غيري وتتركني لو شو ماصار..

كيوهيون بابتسامة : بوعدك ها سويا .. بحبك ♥ ) .. "

ها سو قلبها انقبض وبتبكي بحرقة : كأنو كان قلبي حاسسني انو هالشي رح يصير .. اوبا ليش ماوفيت بوعدك معي اووهـ ؟

" وبتضل ها سو منهارة يومين عهالحال .. بتحاول تحاكي كيوهيون بكل الطرق بس عالفاضي مابتعرف توصله أبدًا ..  "

ها سو بتشد عايدها بقوة وباصرار : اراسو تشو كيوهيون مابدك ترد علي وعامل حالك مابتعرفني حتى .. أنا بعرف كيف انتقم وخليك تتعذب متل ماعذبتني معك..

" وبتمر السنة الرابعة عليهم وهم على هـ الحال ..بعاد عن بعض ومابيكلموا بعض أو بيعرفوا عن بعض شي حتى .. كيوهيون الشوق والحنين رح يقتله بس عم يحاول يلهي حاله بمواعدة سيوهيون .. أما ها سو الشوق والحنين قاتلها بس عم تكابر وقررت انها تغير من حالها .. تغير شكلها .. أسلوبها .. كل شي فيها .. قررت تكون انسانة جديدة لحتى تقدر تنتقم من الشب الي لعب فيها وتركها ( هاد كان احساس ها سو اتجاه كيوهيون ) ... أول شي عملته هو انها صاحبت رفيقة جديدة وتعلمت اللغة الانجليزية باتقان.. غيرت ستايلها كلو وشكلها وغيرت اسمها كمان.. قصت شعرها وصبغته .. ملامح وشها صارت أكتر أنوثة وجاذبية مع المكياج والتغييرات .. لبسها كلو تغيير من بسيط لـ أكتر اثارة وجاذبية .. راحت على معاهد غناء وكانت تتدرب ميشان تحسن صوتها وأدائها .. قدمت اختبار بشركة أس أم الترفيهية ودخلت ضمن دائرة التدريب في الشركة وهادا كلو خلال 3 سنوات وكل يلي كانت حطاه بعقلها انها تنتقم من كيوهيون .. خلال هالـ 3 سنوات ها سو ماغابت عن فكر كيوهيون ولو حتى لحظة واستغرب انها اختفت من حياته وبطلت تسأل عنه أو تطلع بطريقه .. وكان يتسائل ياترى كيفها وحاول يعرف أخبار عنها بس ماقدر يوصل لشي لانو ها سو غيرت سكنها من بوسان لسيئول من غير ماحدا يعرف .. "

كيوهيون بيتنهد ولنفسه : ماتوقعت ها سو تستلم بهالسهولة وتتركني وماتسأل عني حتى .. شكلها نسيتي نهائيا .. بيحقلها لاني كنت حقير ولئيم كتير معها .. بس لساتني بحبها بحبها بحبها.. أششش ><

سيوهيون بتمسك ايده بقوة : اوبا شو بيك ليش هيك متضايق ؟

كيوهيون بيطلع فيها بابتسامة مصطنعة : لا مافي شي حبيبتي ^^

سيوهيون بتشد عايده : اوبا عنجد ؟؟

كيوهيون بياخدها بحضنه : اووهـ عنجد ..

" وهو حاضن سيوهيون بيتزكر وقت كان ياخد ها سو بحضنه وهي تتمسك فيه ويربت على شعراتها .. كل هالزكريات بتمر قدامه وقلبه بيوجعه جواته..وبهيك بيمضوا 7 سنين من الحب ووجع القلب بين كيوهيون وها سو ..وبعد مرور الـ 3 سنوات الي كانت ها سو تتدرب فيهم لحتى تصير فنانة مشهورة بشركة الأس أم .. حان موعد ترسيمها واعلانها كفنانة منفردة رسمية لشركة أس أم الترفيهية .. قبل بيوم من اطلاق ألبومها و الفيديو كليب.. بتكون ها سو ماشية بالشركة وبتخبط بشب بالغلط .. "

ها سو بتنحني وبتعتذر : آسفة كتير..

الشب : ولايهمك..

" ها سو بس تسمع صوته بتطلع فيه قلبها بيولع نار بس بتداري .. كيوهيون بيطلع بوشها بينصدم.."

كيوهيون كأنه حد ضربه بسكين و بصدمة وقلبه نار : كانغ ها سو ؟؟

وانتظرونــــــــــا في البــــارت القــادم والأخيـــــــــــــر غــــــــــدًا بإذن الله .. ^^

متمنيـــة أن يكـــون البـارت الأول من القصــة قد نـال إعجابكـــم .. XD

آرائكـــــــــــــــــــــــم تهمنــــــــــــــــــــــــــي .. ♥